నోరూరించే ముల్లంగి చపాతీ

కావాల్సినవి: గోధుమపిండి- రెండు కప్పులు, ముల్లంగి తురుము- కప్పు, జీలకర్ర- అరచెంచా, కారం- చెంచా, అల్లంవెల్లుల్లి ముద్ద- అర చెంచా, ఉప్పు, నీళ్లు, నూనె, నెయ్యి- తగినంత.
తయారీ: గిన్నెలో గోధుమ పిండి, ముల్లంగి తురుము, ఉప్పు, కారం, అల్లంవెల్లుల్లి ముద్ద, జీలకర్ర వేసి పిండిని కలపాలి. సహజంగానే ముల్లంగిలో నీరు ఉంటుంది కాబట్టి కాసిన్ని నీళ్లు పోస్తే సరిపోతుంది. చివరగా కొద్దిగా నూనె పోసి బాగా కలిపి పావుగంట పాటు పక్కన పెట్టాలి. ఆ తర్వాత చపాతీల్లా చేసుకుని పెనంపై వేసి, రెండువైపులా నెయ్యి వేస్తూ కాల్చుకోవాలి. ఇవి టొమాటోసాస్‌, గ్రీన్‌ చట్నీతో తింటే చాలా బాగుంటాయి.

- అంజన, హైదరాబాద్‌

• radish
• ghee
• garlic
• ginger
• wheat flour
• tomato sauce
• ముల్లంగి
• నెయ్యి
• వెల్లుల్లి
• అల్లం
• గోధుమపిండి
• టోమాటో సాస్‌
• గ్రీన్‌ చట్నీ