పసిడి పసుపు!

వంటకాల్లో పసుపు వేస్తాం. ఇది వాటికి రంగూ, రుచిని అందిస్తుంది. చిన్న దెబ్బ తగలగానే పసుపు రాస్తాం. జలుబు చేస్తే పసుపు పాలు తాగుతాం... ఇలా దీన్ని ఆహారంగానే కాదు, ఔషధంగానూ వాడతాం. ఇవేకాకుండా దీన్నివల్ల బోలెడు ప్రయోజనాలున్నాయి.  

* దీంట్లో పోషకాలు చాలా ఎక్కువ. అలాగే పిండిపదార్థాలు, మాంసకృత్తులు, కొవ్వులుంటాయి. ఐరన్‌, విటమిన్‌-ఎ, బి2, ఇతర మూలకాలూ ఉంటాయి. దీన్ని క్రిమిసంహారిణిగా పిలుస్తారు.

* దీనిలోని ఔషధగుణాలు శరీరంలో వాపులు రాకుండా అడ్డుకుంటాయి.

* దీనిలో యాంటీబ్యాక్టీరియల్‌, యాంటీఫంగల్‌, యాంటీ ఇన్‌ఫ్లమేటరీ, యాంటీవైరల్‌ గుణాలుంటాయి. దీంట్లోని యాంటీఆక్సిడెంట్లు జబ్బుల బారిన పడకుండా చేస్తాయి.

* ఇది చెడు కొలెస్ట్రాల్‌ను తగ్గించి గుండె జబ్బులు రాకుండా కాపాడుతుంది.

* గోరువెచ్చటి పాలలో చిటికెడు పసుపు వేసుకుని తాగితే జలుబు, దగ్గు లాంటివి తగ్గుముఖం పడతాయి.