ఆరోగ్యానికి ఆకాకరకాయ

కాలానుగుణంగా లభించే కాయగూరలు, పండ్లలో చాలా ఆరోగ్య ప్రయోజనాలుంటాయి. అలాంటి వాటిలో ఆకాకరకాయ కూడా ఒకటి. మరి దీనివల్ల కలిగే లాభాలేంటో చూద్దామా..

* దీనిలో పోషకాలతోపాటు ఔషధ గుణాలూ ఎక్కువే. పీచు అధిక మొత్తంలోనే ఉంటుంది. దీన్ని ఆహారంలో చేర్చుకుంటే జీర్ణక్రియ సాఫీగా సాగుతుంది.

* ఆకాకరకాయను తింటే రక్తపోటు నియంత్రణలో ఉంటుంది.  దీనిలోని యాంటీలిపిడ్‌ పెరోక్సిడేటివ్‌ సమ్మేళనాలు ధమనుల ఆరోగ్యాన్ని కాపాడతాయి.

* ఈ కాయల్లోని యాంటీ అలర్జిక్‌, యాంటీ బ్యాక్టీరియల్‌, యాంటీ ఇన్‌ఫ్లమేటరీ సమ్మేళనాలు వైరల్‌ ఇన్‌ఫెక్షన్లను అడ్డుకుంటాయి. వీటిని తింటే రోగనిరోధక శక్తి పెరుగుతుంది.

* తక్కువ కెలొరీలుండే కూరగాయ ఇది. కాబట్టి బరువు తగ్గాలనుకునే వారు దీన్ని తమ ఆహారంలో చేర్చుకోవచ్చు. ఇది శరీరానికి కావాల్సిన తేమనూ అందిస్తుంది.

* దీనిలోని యాంటీఆక్సిడెంట్లు, ఫ్లేవనాయిడ్స్‌ ఫ్రీరాడికల్స్‌ను అడ్డుకుంటాయి. ఇది కాలేయాన్ని రక్షించి, కొవ్వు పేరుకు పోకుండా చూస్తుంది.

* ఇందులోని కెరోటినాయిడ్స్‌ కంటి ఆరోగ్యాన్ని కాపాడతాయి.

* ఇవి రక్తంలోని చక్కర స్థాయులను క్రమబద్ధీకరిస్తాయి. కాబట్టి మధుమేహులూ వీటిని తీసుకోవచ్చు.

* మలబద్ధకం ఉన్నవారు దీన్ని ఆహారంలో చేర్చుకుంటే ఆ ఇబ్బంది క్రమంగా తగ్గిపోతుంది.