Updated : 24/10/2021 06:18 IST

జామకాయ బజ్జీ విమానంలో!

ఇప్పటివరకు మిర్చి, ఆలూ, అరటికాయ బజ్జీలు తినుంటారు..  కానీ జామకాయ బజ్జీ తిన్నారా.. యాపిల్‌ బజ్జీ రుచిచూశారా.. డ్రాగన్‌ఫ్రూట్‌, స్టార్‌ఫ్రూట్‌తోనూ బజ్జీలు వేస్తారని తెలుసా. అలా సుమారు 25 రకాల బజ్జీలు రాజమహేంద్రవరంవాసులను అలరిస్తూ.. భోజనప్రియుల జిహ్వ చాపల్యాన్ని తీరుస్తున్నాయి..

రాజమండ్రిలోని మంగళవారపుపేటలో 1977 నుంచి వెంకటేశ్వరరావు మిక్చర్‌ పాయింట్‌ నడుస్తోంది. తండ్రి వారసత్వాన్ని పుణికిపుచ్చుకున్న చీమకుర్తి సతీశ్‌ ఏదైనా వెరైటీగా చేయాలనే ఉద్దేశంతో 2001 నుంచి రకరకాల బజ్జీలు వేస్తున్నారు. రొటీన్‌కు భిన్నంగా యాపిల్‌, పైనాపిల్‌, మామిడి, ఉల్లి, తమలపాకు, వామాకు, దొండకాయ, బెండకాయ, చిక్కుడు, బ్రెడ్‌, గులాబ్‌జామ్‌, ఎగ్‌లెస్‌ కేక్‌, క్యారెట్‌, క్యాలీఫ్లవర్‌, మష్రూమ్‌, బేబీకార్న్‌  ద్రాక్ష, పనీర్‌, ఉప్మా, క్యాప్సికమ్‌, టమాటా ఇలా సుమారు 30 రకాల బజ్జీలు ఇక్కడ తయారుచేస్తారు. ఒక్కోరోజు.. ఒక్కో స్పెషల్‌ లభిస్తుంది. కొన్ని సీజన్‌ను బట్టీ తయారు చేస్తారు.

ఫోన్లో బుకింగ్‌లు..  ఎంతోకాలంగా వ్యాపారం జరుగుతుండడంతో తన కస్టమర్లతో ఒక వాట్సప్‌ గ్రూపు ఏర్పాటు చేసి.. ఏ రోజు ఏ ఐటం వేసేది.. వారికి మెసేజ్‌ చేస్తారు. కావాల్సిన వారు ఫోన్లో ఆర్డర్‌ ఇచ్చి తీసుకెళ్తారు. రాజమహేంద్రవరం.. చుట్టుపక్కల ప్రాంతాలు, కాకినాడ, తణుకు, బెంగళూరు, విజయవాడ, హైదరాబాద్‌ తదితర ప్రాంతాలకు వీటిని తీసుకెళ్తున్నారు. ఒక్కరోజే నిల్వ ఉండే వీటిని.. విమానంలోనూ తీసుకెళ్తారని నిర్వాహకులు చెబుతున్నారు. స్థానికంగా జరిగే శుభాకార్యాలకు ఆర్డర్లపై సప్లయ్‌ చేస్తున్నారు. బజ్జీ రూ.10 నుంచి గరిష్ఠంగా రూ.70 వరకు అమ్ముతున్నారు. గులాబ్‌జామ్‌ బజ్జీ రూ.20, జామకాయ రూ.10, పన్నీర్‌, క్యారెట్‌, మష్రూమ్‌ రూ.15 ఇలా ధరలు ఉన్నాయి.  క్వాలిటీలో రాజీపడనని..కష్టమర్లతో ఆప్యాయంగా నడుచుకోవడమే వ్యాపారం పెరగడానికి కారణమని అంటారు సతీష్‌.


Advertisement


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని