ఊరించే రోజ్‌ లడ్డు

కావల్సినవి : కొబ్బరితురుము- 2కప్పులు, పాలు- ఒకటిన్నర కప్పు, చక్కెర - అరకప్పు, తరిగిన జీడిపప్పు, బాదం పప్పులు- చిన్నగిన్నెతో, యాలకుల పొడి - పావు చెంచా, రోజ్‌ సిరప్‌ - 2 చెంచాలు, రోలింగ్‌ కోసం: మరికాస్త కొబ్బరితురుము.  

తయారీ: పెద్ద పాన్‌ లేదా కడాయిలో, కొబ్బరి తురుము తీసుకుని, రెండు నిమిషాలు చిన్న మంట మీద వేయించుకోవాలి. దీనికి పాలు కూడా కలిపి తక్కువ మంట మీద ఒక నిమిషం వరకు ఉడికించుకొని, తర్వాత చక్కెర వేసి బాగా కలపాలి. కాసేపటికి ఈ మిశ్రమం నీరుగా మారుతుంది. ఇది గట్టిపడే వరకూ ఉడికించుకోవాలి. దీనిలో రోజ్‌సిరప్‌, జీడిపప్పు, బాదం పలుకులు, యాలకుల పొడివేసి బాగా కలపాలి. మిశ్రమాన్ని ఒక గిన్నెలోకి తీసుకుని చల్లారాక లడ్డూల్లా చుట్టి.. ఎండుకొబ్బరిలో దొర్లిస్తే రోజ్‌ కోక్‌నట్‌ లడ్డూలు సిద్ధమవుతాయి.