తింటే ఆరోగ్యం పెరుగుతుంది!

అన్నంలోకి పచ్చడి, పప్పు, కూర.. ఇలా ఎన్ని ఉన్నా.. ఆఖరి ముద్ద పెరుగుతో తింటే ఆ రుచి, సంతృప్తే వేరంటారు పెద్దలు. మరి పెరుగుకు ఉన్న అంత ప్రాధాన్యం ఏమిటి? దాన్ని తినడం వల్ల కలిగే ఆరోగ్య ప్రయోజనాలను తెలుసుకుందామా..

❉ పేగులకు ఆరోగ్యాన్నిస్తూ జీర్ణక్రియకు తోడ్పడే ప్రొబయోటిక్‌ బ్యాక్టీరియా పెరుగులో మెండుగా ఉంటుంది. ఇది పోషకాల గని. 
❉ దీంట్లోని విటమిన్లు, మినరళ్లు శరీరంలోని వివిధ జీవక్రియలను నిర్వర్తించడానికి చాలా అవసరం. 
❉ పెరుగులోని లినోలిక్‌ ఆమ్లం రోగనిరోధకతను పెంచుతుంది. దాంతో ఇన్‌ఫెక్షన్లు, అలర్జీలు దరి చేరవు. 
❉ కొలెస్ట్రాల్‌ స్థాయులను తగ్గించి రక్తపోటును నియంత్రిస్తుంది.
❉ కడుపులో మంట, వికారంగా ఉన్నప్పుడు పెరుగు తీసుకుంటే చాలా మంచిది.
❉ డయేరియాతో బాధపడేవారు మజ్జిగను తీసుకుంటే ఉపశమనంగా ఉంటుంది. పాలకు బదులుగా పెరుగును ఆహారంలో చేర్చుకోవచ్చు.
❉ పెరుగులోని క్యాల్షియం ఎముకలు, దంతాలను బలంగా ఉంచుతుంది.
❉ మాంసకృత్తులు నాడులను మరమ్మతు చేయడమే కాకుండా దృఢంగా మారుస్తాయి.
❉ బరువు తగ్గడానికి చక్కటి ప్రత్యామ్నాయం. చర్మాన్ని మెరిపిస్తుంది. ముడతలను తగ్గిస్తుంది. 
❉ మెదడు, గుండె ఆరోగ్యానికి మేలు చేస్తుంది. 
❉ నోటి దుర్వాసనను దూరం చేస్తుంది. దీన్ని తరచూ ఆహారంలో చేర్చుకుంటే మహిళల్లో వెజైనల్‌ ఇన్‌ఫెక్షన్స్‌ తగ్గుముఖం పడతాయి.
❉ ఒత్తిడిని తగ్గించి మానసిక ఆరోగ్యాన్ని కాపాడుతుంది.