ఇంట్లోనే చేద్దాం పనీర్‌!

పనీర్‌ని ఇష్టపడని వారు ఎవరుంటారు? తినాలనిపించినప్పుడల్లా... సూపర్‌మార్కెట్‌కి పరుగుపెట్టడమే కష్టం. అదే ఇంట్లోనే చేసుకొనే అవకాశం ఉంటే? ఇంట్లోనే పనీర్‌ని చేసుకోవడానికి వీలుగా పాత్రలు, వస్త్రాలు వస్తున్నాయి. విరిగిన పాలను ఈ పాత్రలో వేసి మూత బిగించేస్తే సరి. అధికంగా ఉన్న నీళ్లు ఆ పాత్రకున్న చిల్లుల నుంచి బయటకు పోయి చక్కని ఆకృతిలో పనీర్‌ సిద్ధమవుతుంది. పాత్రలే కాదు పనీర్‌లో నీటిని వడకట్టేందుకు బ్లీచ్‌ చేయని వస్త్రాలు కూడా మార్కెట్‌లో దొరుకుతున్నాయి.