మతిమరుపుకి బ్రేక్‌ వేస్తాయి!

పుచ్చకాయ తినేటప్పుడు వాటి గింజలని అడ్డంగా భావిస్తాం. నిజానికి వాటిల్లో బోలెడు పోషకాలు ఉంటాయి. ఈ గింజలు విడిగా మెలన్‌ సీడ్స్‌ పేరుతో దొరుకుతున్నాయి..

* జ్ఞాపకశక్తిని పెంచుకోవాలి అనుకొనేవారికి ఈ గింజలు మంచి ఆహారం. రోజూ కొద్దిమొత్తంలో గింజలని తింటే మెదడు చురుగ్గా ఉంటుంది.
* ఒమెగా-త్రీ ఫ్యాటీఆమ్లాలు పుష్కలంగా ఉండే ఆహారం... రక్తప్రసరణ సవ్యంగా జరిగేట్టు చేసి బీపీ సమస్యలని అదుపులో ఉంచుతుంది.
* ఎముకలు బలహీనంగా ఉండేవారు రోజూ ఈ గింజలని ఆహారంలో చేర్చుకుంటే... ఆస్టియోపొరోసిస్‌ బారిన పడకుండా ఉంటారు.
* వయసు ఛాయలని దూరం చేసి చర్మం నిగారింపుతో మెరిసేలా చేస్తాయి. సాగే గుణాన్ని కోల్పోకుండా చేస్తాయి.