గుంటగలగరాకు పచ్చడి!

శిరోజాల ప్రత్యేకం!

గుంటగలగరాకు పచ్చిది దొరికితే రుబ్బి తలకు పెట్టుకుంటారు. ఆ భాగ్యం లేకపోతే మార్కెట్లో దొరికే పొడి తెచ్చుకుని నూనెలో మరిగించుకుంటారు. ఇదంతా ఎందుకంటే... ఈ ఆకులు తలవెంట్రుకలని నల్లబరిచి జుట్టుని పొడవుగా ఎదిగేటట్టు చేస్తాయి. ఆ ఆకులని ఆహారంగా తీసుకున్నా మంచిదే. రక్తాన్ని శుద్ధి చేసే వీటితో పచ్చడి చేసుకుంటే ఎంతో మంచిది...

కావాల్సిన పదార్థాలు: గుంటగలగర ఆకులు- ఒక కట్ట(పెద్దది), ఎండుమిర్చి- 20గ్రా, పచ్చిమిర్చి- 15, ఆవాలు- చెంచా, నువ్వులు- చెంచా, మెంతులు- అరచెంచా, మినప్పప్పు- చెంచా, చింతపండు- నిమ్మకాయంత, నూనె- 100గ్రా, ఇంగువ- అరచెంచా, ఉప్పు- తగినంత.

తయారీ విధానం: ముందుగా స్టౌ మీద బాణలి పెట్టి ఎండుమిర్చి, ఆవాలు, నువ్వులు, మెంతులు, మినప్పప్పులను నూనె లేకుండా దోరగా వేయించుకోవాలి. ఆకులని పైపైన నూనెలో వేయించుకోవాలి. ముందుగా వేయించుకున్న పోపులో పచ్చిమిర్చి, ఉప్పు వేసి మిక్సీ పట్టాలి. చివరిగా ఆకు వేసి మెత్తగా రుబ్బి గిన్నెలోకి తీసుకోవాలి. ఇప్పుడు స్టౌ మీద బాణలి పెట్టి 100 గ్రాముల నూనె, అరచెంచా ఇంగువ వేసి కాగిన తర్వాత ఈ నూనెను పచ్చడిలో వేసి కలుపుకోవాలి. మంచి రుచితోపాటు ఆరోగ్యాన్నీ అందించే గుంటగలగర ఆకు పచ్చడి రెడీ. దీంతో పులుసుకూర కూడా చేసుకుంటారు.