26 వంటకాల సాద్య!

కేరళలో ఓనమ్‌ పర్వదినాలు ప్రారంభమయ్యాయి. మనకి సంక్రాంతి ఎలానో.. కేరళీయులకి ఈ ఓనమ్‌ పండగ అలా. పదిరోజుల పాటు సాగే ఈ పండగరోజుల్లో సాద్య పేరుతో సంప్రదాయ వంటకాలని వండివారుస్తారు. సాద్యని ఏవో రెండు మూడు వంటకాలతో సరిపెడతారు అనుకొంటే పొరపాటు. కొబ్బరి, బెల్లం, కంద వంటి స్థానికంగా దొరికే 60 రకాల పదార్థాలతో 26 రకాల సంప్రదాయ వంటకాలని చేసి అరిటాకులో వడ్డిస్తారు. ఉప్పేరి (అరిటికాయ చిప్స్‌), షక్కర వరాట్టి(అరటికాయ తీపి చిప్స్‌), నారంగ(నిమ్మకాయ పచ్చడి), కొబ్బరినూనెతో చేసిన అవియల్‌, క్యాబేజీలో కొబ్బరికోరు వేసి చేసిన తోరన్‌, పరిప్పు(పెసరపప్పు సలాడ్‌), పెరుగు, కందతో చేసిన కాలన్‌, అరటికాయ కూటు వంటి 26 వంటకాలు చేస్తారు.