కబాబ్‌లు చేయడం తేలికిక!

సౌకర్యం

నూనె తక్కువ... పోషకాలు ఎక్కువ. రుచిలో బ్రహ్మండంగా ఉండే కబాబ్‌లు, టిక్కాలని ఇష్టపడని వాళ్లుండరు. కానీ వాటిని చేయడానికే.. చాలా ఓపిక, సమయం ఉండాలి. దగ్గరుండి గ్రిల్‌పైన దోరపదును మీద కాల్చకపోతే మాడిపోతాయి. ఆ కష్టం లేకపోతే కబాబ్‌లని భలేగా ఆస్వాదించొచ్చు. కానీ ఈ ఎలక్ట్రికల్‌ వెర్టికల్‌ కబాబ్‌ మెషిన్‌ మీ చేతిలో ఉంటే ఎన్నికావాలంటే అన్ని కబాబ్‌లని పెద్దగా శ్రమ లేకుండానే తయారు చేసుకుని తినేయొచ్చు. ఈ పరికరం అడుగున నూనె వేసేందుకు జాగా ఉంటుంది. దాంట్లో కొద్దిగా నూనె వేసి... పనీర్‌, చికెన్‌, మటన్‌, కాయగూర ముక్కలని కబాబ్‌ ఊచలకి గుచ్చి స్విచ్‌ ఆన్‌ చేస్తే చాలు. ఆ ఊచలు గుండ్రంగా తిరుగుతూ, వాటికున్న కూరగాయముక్కలని ఒక నిర్ణీత ఉష్ణోగ్రత వద్ద కాలుస్తాయి. నూనె కూడా తగిన మోతాదులో మాత్రమే తీసుకుంటుంది. కబాబ్‌లు పూర్తికాగానే ఆటోమేటిక్‌గా పరికరం స్విచ్‌ఆఫ్‌ అవుతుంది. బాగుంది కదూ!