వీగన్‌ గుడ్డు!

ప్రతి ఏడాదీ కొన్ని ఫుడ్‌ ట్రెండ్స్‌ మనల్ని పలకరిస్తుంటాయి కదా! అలా ఈ సంవత్సరం వచ్చిన వాటిల్లో వీగన్‌ గుడ్డు ఒకటి. వంటకాల్లో గుడ్డుకు ప్రత్యామ్నాయంగా ఈ వీగన్‌ వాటిని వాడుతున్నారు. పోషకాలు కూడా అదే స్థాయిలో అందుతాయి. సాధారణ గుడ్లు తినడానికి ఇష్టపడని వారికి రెస్టరంట్లలో ఈ వీగన్‌ గుడ్లని ఇప్పటికే ప్రత్యామ్నాయంగా వాడుతున్నారు. కోళ్లతో గుడ్లు పెట్టించేందుకు హార్మోన్లని వాడటం, యాంటీబయాటిక్‌లు ఉపయోగించడం, ఈకొలి బ్యాక్టీరియా విస్తరించడం, పర్యావరణానికి చేటు వంటి కారణాలతో చాలామంది సాధారణ గుడ్లకి దూరమవుతున్న వేళ ఈ వీగన్‌ గుడ్లకి ప్రాధాన్యం పెరుగుతోంది. జస్ట్‌ ఎగ్‌, జీరోఎగ్‌, వీగన్‌ ఎగ్‌ వంటి సంస్థలు ఈ ఉత్పత్తులని అందిస్తున్నాయి. టోఫు, అవిసె గింజలు వంటివాటితో వీటిని చేస్తున్నారు. వినియోగించుకోవడమూ తేలిక.