ఛాలెంజ్‌కు సిద్ధమేనా!

చిక్కని నురగతో.. తెల్లగా, చల్లచల్లగా.. నోట్లోకి.. అక్కడి నుంచి గొంతులోకి అలా జారుతూ ఉంటే.. ఎంత హాయిగా ఉంటుందో చెప్పలేం. ఆ రుచిని వర్ణించడానికి మాటలు సరిపోవు అంటున్నారు కాఫీ ప్రియులు. ఆ కాఫీయే... ఫేస్‌బుక్‌, ఇన్‌స్టాగ్రామ్‌, టిక్‌టాక్‌, ఇంటర్నెట్‌లో హాట్‌ టాపిక్‌గా మారిపోయింది. అదే.. డాల్గొనా కాఫీ. లాక్‌డౌన్‌ సందర్భంగా ఇళ్లకే పరిమితమైన యువత దీన్ని తాగడానికి ఎక్కువగా ఆసక్తి చూపిస్తున్నారట. దీన్నెలా తయారుచేసుకోవాలో మనమూ తెలుసుకుందామా...

మొన్నటి వరకూ కొరియా వాళ్లకి మాత్రమే తెలిసిన ఈ దల్గోనా కాఫీ.. ఇప్పుడు సోషల్‌ మీడియా ఛాలెంజ్‌ పుణ్యమాని అందరికీ తెలుస్తోంది. కాఫీప్రియుల మనసుదోచేసిన ఈ దల్గోనా ఇప్పుడు టిక్‌టాక్‌, ఇన్‌స్టాలలో హాట్‌ట్రెండ్‌గా మారింది.

కావాల్సినవి: ఇన్‌స్టెంట్‌ కాఫీ పౌడర్‌- రెండు టేబుల్‌ స్పూన్లు, పంచదార- రెండు టేబుల్‌ స్పూన్లు, వేడినీళ్లు- రెండు టేబుల్‌ స్పూన్లు, ఐస్‌క్యూబ్స్‌- నాలుగైదు, పాలు- 200 మి.లీ.

తయారీ: వెడల్పాటి గిన్నెలో ఇన్‌స్టెంట్‌ కాఫీ పొడి, పంచదార, వేడినీళ్లు వేసుకుని... ఈ మూడూ బాగా కలిసేలా కలపాలి. ఇప్పుడో గ్లాసులో నాలుగైదు ఐస్‌క్యూబ్‌లు వేసి మూడొంతుల పాలు పోయాలి. ఈ పాల మీద కలిపి పెట్టుకున్న మిశ్రమాన్ని పరుచుకున్నట్టుగా వేయాలి. చివర్లో పైన చిటికెడు కాఫీ పొడి చల్లుకుంటే... చల్లచల్లటి కాఫీని హాయిగా తాగేయొచ్చు.