వేరు చేసేస్తుంది

సూప్‌లు, గ్రేవీలు, సాస్‌లు... లాంటివి చేసినప్పుడు వాటిలో మిర్చీ, ఉల్లిపాయలు, టొమాటో ముక్కలు... ఇలా కొన్ని పంటి కింద అడ్డు తగులుతుంటాయి. అలాగే వీటి తయారీలో ఉపయోగించిన అధిక నూనె/కొవ్వును తొలగించాలంటే... ఫ్యాట్‌ సెపరేటర్‌ను తెచ్చుకోవాల్సిందే.

గ్రేవీ/సూప్‌లను చిల్లుల మూత- మెష్‌ లిడ్‌ పై పోయాలి. దాంతో ద్రవం కాసేపటికి కిందకు దిగుతుంది. చిన్న చిన్న ముక్కలు, ఆహార రేణువులు పైన జాలీలో ఉండిపోతాయి. గ్రేవీలోని నూనె పైభాగంలో ఓ పొరలా పేరుకుపోతుంది. గ్రేవీ కిందకు చేరుతుంది. మూత దగ్గరున్న ఎర్రటి మీటను గట్టిగా నొక్కడం వల్ల అడుగున ఉన్న గ్రేవీ కింది రంధ్రం ద్వారా వెలుపలకు వచ్చేస్తుంది. చివరగా కొవ్వు లేయర్‌ వచ్చేసరికి దాన్ని ఆపేస్తే సరిపోతుంది. ఈ విధంగా గ్రేవీలు, సూప్‌లు, పండ్ల రసాలు, బ్రోత్‌లను చేసుకోవచ్చు.  పట్టుకోవడానికి అనువుగా ఉండే హ్యాండిల్‌ దీని ప్రత్యేకత. శుభ్రం చేయడమూ చాలా సులువు. దీన్ని కానుకగానూ ఇవ్వొచ్చు.