కర కరగా.. కారం కారంగా..

కావాల్సినవి: చికెన్‌ కీమా- 300 గ్రా., ఉల్లిపాయ- ఒకటి (సన్న ముక్కలుగా), పచ్చిమిర్చి- రెండు (సన్న ముక్కలుగా), గుడ్డు- ఒకటి, కొత్తిమీర తరుగు- రెండు పెద్ద చెంచాలు, అల్లం వెల్లుల్లి ముద్ద, పుదీనా తరుగు, నిమ్మరసం- పెద్ద చెంచా చొప్పున; మిరియాల పొడి, ధనియాల పొడి, గరంమసాలా- అర చెంచా చొప్పున; ఉప్పు- తగినంత, నూనె- వేయించడానికి సరిపడా, బ్రెడ్‌ పొడి- కప్పు.

తయారీ: శుభ్రం చేసిన చికెన్‌ కీమాను గిన్నెలోకి తీసుకుని పక్కన పెట్టుకోవాలి. మరో గిన్నెలో ఉల్లిపాయ, పచ్చిమిర్చి ముక్కలు, గరంమసాలా, అల్లం వెల్లుల్లి ముద్ద, కొత్తిమీర, పుదీనా తరుగు, మిరియాల పొడి, పసుపు, ధనియాల పొడి, ఉప్పు, నిమ్మరసం వేసి పదార్థాలన్నీ బాగా కలపాలి. ఇందులోనే చికెన్‌ కీమా వేసి మరోసారి కలపాలి. ఈ మిశ్రమాన్ని 15 నిమిషాలు ఫ్రిజ్‌లో పెట్టాలి. నానబెట్టిన మిశ్రమంలో గుడ్డును కూడా వేసి కలపాలి. ఇప్పుడు చికెన్‌ మిశ్రమాన్ని చిన్న చిన్న బుల్లెట్స్‌/బంతులు... ఇలా నచ్చిన  ఆకారంలో చేసుకుని, బ్రెడ్‌ పొడి అద్ది కాగిన నూనెలో వేసి మధ్యస్థ మంటపై బంగారు రంగు వచ్చే వరకు వేయించాలి. ఇలా అన్నింటినీ వేయించుకోవాలి. అంతే రుచికరమైన చికెన్‌ బుల్లెట్స్‌ రెడీ.