Updated : 19 Jun 2022 01:20 IST

చెర్రీపూల పండగ చేసుకుంటారు

పాన్‌ పేరుచెబితే లేత గులాబీరంగులో మనసు దోచుకొనే అందమైన చెర్రీపూలే గుర్తుకొస్తాయి కదా! ఆ దేశ జాతీయ పుష్పం కూడా ఈ చెర్రీపూల గుత్తులే. ఈ పూలని స్థానికంగా సకురా పూలు అని పిలుచుకుంటారు. మార్చి నుంచి మేనెల వరకూ ఈ పూలు విరగపూస్తాయి. ఆ సమయంలో వీటిని చూడ్డానికి ఎంతోమంది వస్తారు. వీటినే ‘హానామీ’ ఉత్సవాలంటారు. ఓపక్క చెర్రీ పూలవర్షం కురుస్తుంటే ఈ చెట్ల కింద కూర్చుని ఆ పూల వంటకాలనే తినడం ఈ పండగ ప్రత్యేకత. అయితే చెర్రీ పండ్లని ఇచ్చే పూలూ ఇవీ ఒకటి కాదు. ఈ పూలని అందం, ఆరోగ్యం కోసం ఎక్కువగా ఉపయోగిస్తారు. ఈ చెర్రీపూలని ఉప్పు, వెనిగర్‌ వేసి నిల్వ చేస్తారు. దీంతో సకురా టీని తయారు చేస్తారు. వందేళ్లు వచ్చేంతవరకూ కూడా అందమైన చర్మంతో జీవించడానికి ఈ టీనే కారణమని చెబుతారు జపనీయులు. అలాగే ఈ పూలు, బియ్యపిండిని వాడి మోచి అనే వంటకాన్ని చేస్తారు. మూడురంగుల్లో కనిపించే లాలీపాప్‌లాంటి హనామీ డాంగో అనే వంటకాన్ని కూడా వండుతారు. కేవలం వంటకాలే కాదు వంటపాత్రలు కూడా ఈ చెర్రీపూల ఆకృతిలోనే ఉంటాయి. అంత ఇష్టం వాళ్లకి ఈ పూలంటే.


Advertisement

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts