పూల వంటకాలతో ఆదాయం వాళ్లకి!

మనదేశంలో ఒక్కో ప్రాంతం ఒక్కో వంటకానికి ప్రసిద్ధని తెలుసు కదా! మరైతే ఉత్తరాఖండ్‌ దేనికి ప్రసిద్ధో తెలుసా? తెల్లని మంచు పర్వతాలుండే ఆ ప్రాంతంలో..  ఎర్రని పూలతో నిండిన బురాన్‌ చెట్లు అంతటా విస్తరించి ఉంటాయి. ఆ పూలతో చేసిన షర్బత్‌కు విదేశాల్లో విపరీతమైన డిమాండ్‌ ఉంది. ఈ పూలల్లో ఔషధ గుణాలుండటమే ఇందుకు కారణం. రక్తహీనతని తగ్గించడం, శ్వాసకోస సమస్యల నుంచి ఉపశమనం కలిగించడం, నొప్పి నివారిణిగా పనిచేయడం ఈ పూల ప్రత్యేకత. ఏడాదంతా చల్లగా ఉండే ఈ ప్రాంతంలో... వ్యాధినిరోధక శక్తిని పెంచుకోవడానికి ఈ పూలతో చేసిన పచ్చడిని ఇష్టంగా తింటారు స్థానికులు. ఈ పూలను సేకరించి వాటికి రేకలని వేరుచేసి విక్రయించడం ద్వారా ఆదాయం పొందుతున్నారు ఇక్కడి మహిళలు.