Boba tea: భలేభలే.. బోబా టీ!.. దీని గురించి తెలుసా?

బోబా టీ గురించి తెలుసా? గ్రీన్‌ టీ.. బ్లాక్‌ టీ... మనం తాగే సంప్రదాయ కటింగ్‌ చాయ్‌ గురించి కూడా తెలుసు. మరి ఈ బోబా టీ ఏంటి అనుకుంటున్నారా? దీన్నే పెర్ల్‌ టీ అనికూడా అంటారు. ఇప్పుడిప్పుడే మన నగరాల్లో ప్రాచుర్యం పొందుతున్న ఈ బోబా టీ గురించి తెలుసుకుందాం...

బోబాటీనే బబుల్‌టీ అనీ... పెర్ల్‌టీ అని కూడా అంటారు. దీని పుట్టినిల్లు తైౖవాన్‌. మనటీల్లో మాదిరిగా ఇందులోనూ పాలు, టీ, పంచదారనే వాడతారు. అదనంగా నల్లటి బాల్స్‌లాంటి వాటిని వాడతారు. వాటివల్లనే ఈ టీకి బోబా టీ అని పేరొచ్చింది. వీటిని కర్రపెండలం దుంపతో తయారుచేస్తారు. వివిధ రకాల పండ్ల ఫ్లేవర్లతో తయారుచేసిన టీలో.. నానబెట్టిన టాపియోకా గింజలని వేసి తయారుచేస్తారు. పైన జెల్స్‌తో చేసిన టాపింగ్స్‌ కూడా వీటికి అదనపు అందాన్నీ, రుచినీ తీసుకొస్తాయి. ఈ టాపియోకాలని తినడానికి వీలుగా ఇందులో వేసే స్ట్రాలు కూడా ప్రత్యేకంగా, లావుగా ఉంటాయి. తైవాన్‌లో ప్రాచుర్యం పొందిన ఈ టీ ఇప్పుడు మన నగరాల్లో కూడా సందడి చేస్తోంది.