దంత ఆరోగ్యానికి.. లవంగం!

లవంగంలేని మాంసాహార వంటకాలని ఊహించలేం కదా! మసాలాల్లో రారాజులాంటి లవంగానికి కేవలం ఘాటు రుచి మాత్రమే కాదు... బోలెడు ఆరోగ్య ప్రయోజనాలూ ఉన్నాయి..
* పంటి నొప్పి వచ్చినప్పుడు లవంగం నూనె వాడితే ఉపశమనంగా ఉంటుంది. లవంగంలోని నూనెలు.. పంటిపై బ్యాక్టీరియా విస్తరించకుండా చేసి, దంతాల ఆరోగ్యాన్ని కాపాడతాయి. అందుకే లవంగ సుగుణాలున్న పేస్ట్‌ని వాడితే ప్రయోజనం.
* చురుగ్గా నిర్ణయాలు తీసుకోవడానికి అవసరమైన మాంగనీస్‌, పీచు ఈ లవంగాల్లో అధికంగా ఉంటాయి. ఎముకలు బలంగా ఉండాలంటే లవంగాలని మోతాదు మేరకు ఆహారంలో తీసుకుంటే మంచిది.
* లైంగిక జీవితంలో ఎదురయ్యే సమస్యలకు లవంగాలు చక్కని పరిష్కారం. ముఖంపై నల్లని మచ్చలు, యాక్నెవంటివి తొలగిపోవడానికి చక్కని ఆహారం.
* కాసిని నీళ్లలో లవంగాలని వేసి మరిగించి దానికి కొద్దిగా తేనె, పెప్పర్‌మింట్‌ ఆయిల్‌ కలిపితే చక్కని మౌత్‌ ఫ్రెషనర్‌గా మారిపోతుంది.