కండ బలానికి..

బరువు పెరగకూడదు. కండ మాత్రం పెరగాలి అనుకుంటున్నారా? అయితే మీరు ఈ మజిల్‌ ఫుడ్‌  గురించి తెలుసుకోవాల్సిందే?

అవిసెలు: శరీరం కొవ్వుతో నిండి పోయి ఓ ఆకృతంటూ లేకుండా బరువు పెరిగేవారు తగ్గే క్రమంలో అవిసె గింజలకి ప్రాధాన్యం ఇవ్వాలి. ఎందుకంటే ఇందులో ఆరోగ్యకరమైన కొవ్వులని పంచే ఒమెగా త్రీ ఫ్యాటీ ఆమ్లాలు ఉంటాయి. ఈ గింజలతో చేసే స్మూతీలు, లడ్డూలు మేలు చేస్తాయి.

బీన్స్‌: శాకాహారులకు బి విటమిన్‌ మొదలుకుని ప్రొటీన్లు, పీచుని అందించి చక్కని కండ బలాన్ని అందించే ఆహారం బీన్స్‌ గింజలు.

చికెన్‌: మసాలాలు వేసి వేపుళ్ల రూపంలో ఉన్న చికెన్‌ని కాకుండా.. మసాలా తగ్గించి సలాడ్‌ పద్ధతిలో తింటే మంచిది. కండబలం పెరుగుతుంది.

పెరుగు: పెరుగే కదా అని తక్కువ అంచనా వేయొద్దు. జీర్ణశక్తి పెరగాలన్నా, బరువు తగ్గాలన్నా, ప్రొటీన్‌ అందాలన్నా పెరుగు తినడమే మేలైన మార్గం.

గుడ్లు: ఆరు గ్రాముల ప్రొటీన్‌తో పాటు వ్యాధినిరోధక శక్తిని పెంచే జింక్‌, క్యాల్షియం, లూటిన్‌, జియాంతిన్‌ వంటివన్నీ పుష్కలంగా అందిస్తుంది గుడ్డు.