దిగులా... ఇవి తినండి!

ఇంటిల్లిపాది ఆరోగ్యం గురించి ఆలోచించే ఆడవాళ్లు తమ గురించి పట్టించుకోరు. నెలసరులు, కుటుంబ భారం ఇలా ఏదో ఒక సమస్యతో సతమతమవుతూ తరచూ మూడాఫ్‌ అవుతుంటారు. అలాంటప్పుడు ఉత్సాహపరుచుకోవడానికి సహకరించే ఆహారం ఇది..

గింజలు: వీటిల్లో అమైనోయాసిడ్లు సమృద్ధిగా ఉంటాయి. ఇవి సంతోషానికి కారణమయ్యే డోపమైన్‌  విడుదల అయ్యేందుకు సహకరిస్తాయి. వంటింట్లో బాదం, గుమ్మడి, నువ్వుల్ని ఎప్పుడు అందుబాటులో ఉంచుకోండి. మనసుకు చికాకు అనిపించినప్పుడల్లా కాసిని నోట్లో వేసుకోండి. మూడ్‌ మారుతుంది.

డార్క్‌ చాక్లెట్‌: దీనిలోని ఫినైల్‌ థైలమిన్‌ అనే రసాయనం డోపమైన్‌ విడుదలకి కారణం అవుతుంది. అందుకే చాక్లెట్‌ తింటే సంతోషం కలుగుతుంది.

అరటిపండు: దీనిలో విటమిన్‌ బి6 ఉంటుంది. ఇది డోపమైన్‌ని విడుదల చేసి మానసిక స్థితిని నియంత్రణలో ఉంచి కొత్త ఉత్సాహాన్ని ఇస్తుంది. మూడ్‌ బాగోలేనప్పుడు ఒక అరటిపండు తింటే సరి.

బెర్రీలు: వీటిల్లో యాంటీ ఆక్సిడెంట్లు, ఫ్లెవనాయిడ్లు ఎక్కువగా ఉంటాయి. ఇవి కుంగుబాటు, ఆందోళనని ఆమడ దూరంలో ఉంచుతాయి. జోష్‌ కావాలనుకున్నప్పుడు కాసిని ఎండిన నేరేడు పండ్లని ప్రయత్నిస్తే సరి. అవకాడో కూడా ఇలాంటి సుగుణాలనే కలిగి ఉంటుంది.