ఎర్రని పండు... లాభాలు మెండు!

ఎర్రగా మెరుస్తూ... తియ్యతియ్యగా ఉండే దానిమ్మ పండు గింజలు రుచిని పంచడంలోనే కాదు పోషకాలనూ అందిస్తాయి. మరి ఈ పండు వల్ల కలిగే మరిన్ని ఆరోగ్య ప్రయోజనాలేంటో తెలుసుకుందామా..

* దానిమ్మలో పొటాషియం, క్యాల్షియం లాంటి ఖనిజాలతోపాటు పీచూ తగినంత మొత్తంలో ఉంటుంది. అలాగే విటమిన్‌-సి, కె, బి, ఎ పుష్కలంగా ఉంటాయి.

* ఈ పండులోని విటమిన్‌ కె రక్తం గడ్డకట్టకుండా ఉండటానికి సాయపడుతుంది.

* దీంట్లో ఇనుము ఎక్కువ. కాబట్టి తరచూ తీసుకుంటే రక్తహీనత సమస్య ఉత్పన్నం కాదు.  

* విటమిన్‌-సి మెండుగా ఉండటం వల్ల రోగనిరోధకత పెరుగుతుంది.

* అనార్‌గా పిలిచే ఈ పండు దంత సమస్యలకు చెక్‌ పెడుతుంది. చిగుళ్లవాపును తగ్గిస్తుంది.

* దానిమ్మ రసంలో కొవ్వును కరిగించే ప్యూనిక్‌ కొల్లాజెన్‌, ప్యూనిక్‌ యాసిడ్‌ ఉంటాయి. ఈ రసాన్ని క్రమం తప్పకుండా తీసుకుంటే కొవ్వు కరుగుతుంది.

* అజీర్తి, కడుపునొప్పి, కడుపు ఉబ్బరం, వాంతులు.. లాంటి ఉదర సంబంధ సమస్యలను ఇది తగ్గిస్తుంది.

* ఆందోళనను తగ్గించి మనసును ప్రశాంతంగా ఉంచుతుంది.

* ఇమ్యూనిటీ పెరుగుతుంది. ఎముక సాంద్రత కూడా అధికమవుతుంది.

* రక్తపోటును అదుపులో ఉంచుతుంది. గుండె ఆరోగ్యాన్ని కాపాడుతుంది.

* శరీరంలో అంతర్గత అవయవాల్లోని వాపులను తగ్గిస్తుంది.

* జ్ఞాపకశక్తి, ఏకాగ్రతను పెంచుతుంది.

* చర్మ ఆరోగ్యాన్ని కాపాడుతుంది.

* ఆర్థ్రరైటిస్‌ సమస్యలను ఈ పండు అడ్డుకుంటుంది.

* ఏడాదంతా లభించే ఈ ఎర్రటి పండును రోజూవారి ఆహారంలో చేర్చుకుంటే చాలారకాల జబ్బుల నుంచి దూరంగా ఉండొచ్చు.

* ఈ పండును జ్యూస్‌గా కంటే నేరుగా గింజల రూపంలో తీసుకుంటేనే ఎక్కువ ప్రయోజనం.

• pomegranate
• health benefits
• funic acid
• fat
• concentration
• memory
• immunity
• anemia
• దానిమ్మ
• ఆరోగ్య ప్రయోజనాలు
• ప్యూనిక్‌ యాసిడ్‌
• కొవ్వు
• ఏకాగ్రత
• జ్ఞాపకశక్తి
• రోగనిరోధక శక్తి
• రక్త హీనత