Updated : 27 Mar 2022 06:18 IST

కొవ్వును కరిగించే మామిడికాయ!

ఉగాది పచ్చడిలో మామిడికాయ తప్పకుండా ఉండాల్సిందే. రాబోయే రెండు మూడు నెలలు మామిడికాయలతో పచ్చిపులుసు మొదలుకుని ఆవకాయ వరకు ఎన్నో రకాలను చేసుకోవచ్చు. పచ్చిముక్కలకే కారం, ఉప్పు కలిపి తింటామంటారా... మరెందుకాలస్యం కానీయండి. ఈ కాయ పులుపుతోపాటు బోలెడు పోషకాలనూ అందిస్తుంది.

* వంద గ్రాముల మామిడికాయలో పిండిపదార్థాలు 15 గ్రా., కొవ్వు 0.4 గ్రా., పీచు 1.6 గ్రా., 0.8 గ్రా., ప్రొటీన్లు ఉంటాయి. లభించే కెలొరీలేమో 60.  

* విటమిన్‌-సి, యాంటీఆక్సిడెంట్లు పుష్కలంగా ఉంటాయి. వీటిని రోజూ తింటే రోగనిరోధకత పెరుగుతుంది. సాధారణంగా ఈ కాయలు చలవ చేస్తాయి. శరీరం డీహైడ్రేట్‌ కాకుండా చూస్తాయి.

* మామిడి పండుతో పోలిస్తే కాయ నుంచి వచ్చే కెలొరీలు చాలా చాలా తక్కువ. చక్కెరలు కూడా. ఇది జీవక్రియలను వేగవంతం చేసి కొవ్వును కరిగిస్తుంది. బరువు తగ్గాలనుకునేవారు ఆహారంలో తప్పనిసరిగా చేర్చుకోవాలి.

* జీర్ణాశయ ఆరోగ్యానికి మేలు చేస్తుంది. మలబద్ధకం, అజీర్తితో బాధపడేవారు దీన్ని తీసుకుంటే ఈ సమస్యలకు చెక్‌ పెట్టొచ్చు.

* కొందరు గర్భిణుల్లో వాంతులు, వికారం చూస్తుంటాం. ఇలాంటి ఇబ్బంది ఉన్నవారు మామిడి ముక్కలను తింటే ఫలితం ఉంటుంది.

* మామిడికాయలో విటమిన్‌-ఎ, సిలతోపాటు మెగ్నీషియమూ ఎక్కువే. ఇది శరీరంలోని వ్యర్థాలను తొలగించి చర్మం, జుట్టును మెరిపిస్తుంది.  

* పచ్చికాయలు శరీరంలో కొలెస్ట్రాల్‌ స్థాయులను నియంత్రిస్తాయి. ఈ కాయలో విటమిన్‌-బి3 పుష్కలంగా ఉంటుంది. నియాసిన్‌గా పిలిచే ఈ పోషకం గుండె జబ్బుల నుంచి దూరం చేస్తుంది.

* కచ్చా ఆమ్‌లో క్యాల్షియమూ ఎక్కువే. ఇది దంతాలకు కావాల్సిన శక్తిని ఇస్తుంది. మామిడి కాయ ముక్కలను తరచూ తింటుంటే చిగుళ్ల నుంచి రక్తం కారడం తగ్గి దంతాలు ఆరోగ్యంగా మారతాయి.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని