పోషకాల నేరేడు...

నేరేడు పండ్లు పుష్కలంగా దొరికే కాలం ఇది. రుచిలోనే కాదు... పోషకాల్లోనూ అద్భుతమే. దీని సుగుణాల గురించి తెలుసుకుంటే ఎప్పుడు కనిపించినా వదలకుండా తినేస్తారు...

* రక్తహీనత ఉన్నవాళ్లు తింటే ఈ పండు ఆ లోపాన్ని పూరించి హెమోగ్లోబిన్‌ స్థాయిని పెంచుతుంది. శరీరంలోని అన్ని అవయవాలకూ ఆక్సిజన్‌ సరఫరాని పెంచి శరీరం చురుగ్గా ఉండేట్టు చేస్తుంది.
* మొటిమలు, యాక్నె, ముఖంపై ముడతలు ఉండేవారు ఈ పండుని తింటే ఆ సమస్యలు పోయి చర్మం నిగారింపుతో మెరిసిపోతుంది.
* గుండె ఆరోగ్యానికి మేలు చేసే పొటాషియం ఈ పండ్లలో నిండుగా ఉంటుంది.
* పీచు ఎక్కువగా ఉండి... కెలొరీలు తక్కువగా ఉండటంతో బరువు తగ్గాలనుకొనేవారికి మంచి ఆహారం.
* అజీర్తి నుంచి ఉపశమనం కలిగించి మలబద్ధకం సమస్యలు రాకుండా చూస్తుంది.
* నోట్లో ఉండే బ్యాక్టీరియాను నిలువరించి దంత సమస్యలు రాకుండా నేరేడు కాపాడుతుంది.