నిమ్మగడ్డితో అజీర్తి దూరం!

టీ, కాఫీల స్థానంలో ఏదైనా మేలు చేసే పానీయం తాగాలనుకుంటున్నారా? అయితే నిమ్మగడ్డిని మించిన ప్రత్యామ్నాయం లేదు. ఎందుకంటే దీనితో చేసిన టీ.. వేసవిలో చక్కని ఉపశమనం ఇవ్వడంతోపాటు అనేక ప్రయోజనాలనీ అందిస్తుంది..

* నిమ్మగడ్డిని నీళ్లలో వేసి మరిగించి ఆ టీ తీసుకుంటే.. అజీర్ణం, కడుపు నొప్పి, గ్యాస్ట్రిక్‌, అల్సర్ల నుంచి ఉపశమనం లభిస్తుంది. జీర్ణాశయంలోని సున్నితమైన పొరల్ని రక్షిస్తుంది.

* వేసవిలో చెమట రూపంలో శరీరం కోల్పోయిన పోషకాలని ఈ టీ తిరిగి అందించి వికారం వంటి సమస్యలు రాకుండా చూస్తుంది. అధిక బరువుతో బాధపడేవారు నిమ్మరసంతో కలిపి తీసుకుంటే ప్రయోజనం ఉంటుంది. కొలెస్ట్రాల్‌ స్థాయులను పెరగకుండా చూస్తుంది.

* నిమ్మగడ్డిని మరిగించి ఆ నీటిని తలస్నానానికి వాడితే చుండ్రు అదుపులో ఉంటుంది.

* అయితే గర్భధారణ సమయంలో, పాలిచ్చే తల్లులు ఈ నిమ్మగడ్డిని తీసుకోకపోవడమే మంచిది.