తింటే రామ్‌లడ్డూనే తినాలి!

రామ్‌ లడ్డూ పేరు విన్నారా.. ఇది దిల్లీ వీధుల్లో చాలా ఫేమస్‌. సాయంత్రం వేళల్లో ఈ లడ్డూ కోసం ఆహారప్రియులు ఈ బళ్ల  దగ్గర క్యూ కడతారు. సాధారణంగా లడ్డూ అంటే తియ్యగా ఉంటుందని అనుకుంటాం.. కానీ ఈ రామ్‌లడ్డూ మాత్రం హాట్‌ రెసిపీనే. పెసరపిండి, సెనగపిండి, ఇంకొన్ని మసాలాలు, ఆకుకూరలు వేసి ఈ పిండిని తయారు చేస్తారు. చిన్నచిన్న బోండాల్లాగా వేసి నూనెలో డీప్‌ ఫ్రై చేస్తారు. ఇక సన్నగా తరిగిన ముల్లంగి, గ్రీన్‌ చట్నీ, రెడ్‌ చట్నీతో సర్వ్‌ చేసే ఈ రామ్‌లడ్డూని తింటే దిల్లీలోనే తినాలంటారు ఇక్కడి ప్రజలు. బుజ్జి విస్తరాకుల్లో వేడిగా సర్వ్‌ చేసే కరకరలాడే ఈ బోండాకి చాలా మందే అభిమానులున్నారు.

పొరుగు రుచి!