వారెవా పెండలం పచ్చడి..

కంద దుంప చాలామందే తింటారు కానీ.. పెండలం కాస్త అరుదు. దానితో కూరే కాదు, రోటి పచ్చడి కూడా చేయొచ్చు. నేను పెండలంతో నిలవ పచ్చడి చేస్తాను. ఇదెంతో రుచిగా ఉంటుంది. చేయడం కూడా మహా సులువు. ఈ పచ్చడి కోసం.. ముందుగా పెండలం చెక్కు తీసి, కడిగి, ముక్కలు కోసి.. తడి లేకుండా ఒక శుభ్రమైన వస్త్రం మీద ఆరబెట్టాలి. కిలో పెండలం ముక్కలకి పావు కిలో చింతపండు, పావు కిలో కారం, అర్ధ పావు ఉప్పు సరిపోతాయి. ఉప్పు కొంచెం ఎక్కువ తినేవాళ్లు ఇంకాస్త వేసుకోవచ్చు. కారం, ఆవపిండి, మెంతిపిండి, పసుపు, ఉప్పు వేసి రుబ్బుకోవాలి. ఇందులో ఉడకబెట్టి, రుబ్బిన చింతపండు, కచ్చాపచ్చా దంచిన వెల్లుల్లి కలిపి తాలింపు వేస్తే సరి.. ఘుమఘుమ లాడే పెండలం పచ్చడి సిద్ధమైపోయినట్లే. రుచిగా ఉండే ఈ పచ్చడి అన్నంలోనే కాదు, ఇడ్లీ, దోశల్లో కూడా చాలా బాగుంటుంది. నచ్చితే మీరూ ఒకసారి చేసి చూడండి.