వానల్లో వేడివేడిగా...

కార్న్‌ ఫ్రిట్టర్స్‌

తయారుచేసే విధానం
* పాన్‌లో ఉల్లిముక్కలు, వెల్లుల్లిరెబ్బలు, మొక్కజొన్న గింజలు, పచ్చిమిర్చి వేసి రెండు నిమిషాలు వేయించాలి.
* చల్లారాక వీటిని మిక్సీలో వేసి రుబ్బాలి. తరవాత అందులో సెనగపిండి, బేకింగ్‌ పౌడర్‌, బేకింగ్‌ సోడా, జీలకర్ర పొడి, కొత్తిమీర తురుము, ఉప్పు, కారం అన్నీ వేసి కలపాలి. ఇప్పుడు మిశ్రమాన్ని చిన్న ఉండల్లా చేసి కాగిన నూనెలో వేయించి తీయాలి.

ఆలూ దాల్‌ టిక్కీ

తయారుచేసే విధానం
* బంగాళాదుంపలు ఉడికించి పొట్టు తీసి మెత్తగా మెదపాలి. సెనగపప్పుని మరీ మెత్తగా కాకుండా కచ్చాపచ్చాగా ఉడికించి ఉంచాలి.
* బ్రెడ్‌ స్లైసెస్‌ని చిదమాలి.
* చిదిమిన బంగాళాదుంపల్లో ఉడికించిన సెనగపప్పు, కొత్తిమీర తురుము, నిమ్మరసం, సన్నగా తరిగిన పచ్చిమిర్చి వేసి కలపాలి. తరవాత జీలకర్ర పొడి, దనియాల పొడి, కారం, ఉప్పు, రెండు చుక్కల నూనె వేసి కలపాలి. ఇప్పుడు మిశ్రమాన్ని గుండ్రని బిళ్లల్లా చేసి కాగిన నూనెలో బంగారు రంగులోకి మారేవరకూ వేయించి తీయాలి.

మిక్స్‌డ్‌ వెజిటబుల్‌ పకోడా

తయారుచేసే విధానం
* ఓ గిన్నెలో సన్నగా తరిగిన క్యాబేజీ తురుము, కొత్తిమీర తురుము, కాలీఫ్లవర్‌ ముక్కలు, పచ్చిమిర్చి ముక్కలు, ఉడికించి మెదిపిన బంగాళాదుంపలు అన్నీ వేసి కలపాలి. తరవాత అల్లంవెల్లుల్లి, ఉప్పు, కారం, బేకింగ్‌ పౌడర్‌, సెనగపిండి వేసి కలపాలి. తరవాత తగినన్ని నీళ్లు పోసి పకోడీల పిండిలా కలిపి కాగిన నూనెలో వేయించి తీశాక చాట్‌ మసాలా చల్లి వేడివేడిగా అందించాలి.

బ్రెడ్‌ కట్‌లెట్స్‌

తయారుచేసే విధానం
* బంగాళాదుంపలు ఉడికించి పొట్టు తీసి మెత్తగా మెదపాలి.
* బ్రెడ్‌ స్లైసెస్‌ని నీళ్లలో ముంచి తీయాలి. నీళ్లు పిండేసి అందులో ఉడికించి మెదిపిన బంగాళాదుంపలు, ఉల్లిముక్కలు, క్యారెట్‌ తురుము, కొత్తిమీర తురుము, ఉప్పు వేసి బాగా కలపాలి. తరవాత మిశ్రమాన్ని చిన్న ఉండల్లా చేసి గుండ్రని పట్టీల్లా చేయాలి. వీటిని బ్రెడ్‌ పొడిలో దొర్లించి, పెనంమీద కొంచెం కొంచెంగా నూనె వేస్తూ రెండువైపులా వేయించి తీయాలి.