కీరా దోసె తిన్నారా?

కీరా దోసె

తయారుచేసే విధానం
* బియ్యం రెండు గంటలపాటు నాననివ్వాలి.
* బియ్యం కడిగి మిక్సీలో వేసి మెత్తగా రుబ్బాలి. అందులోనే కొబ్బరి తురుము, పచ్చిమిర్చి, ఉప్పు వేసి రుబ్బాలి.
* కీరాల తొక్కు తీసేసి, నిలువుగా కోసి మధ్యలో గింజల్లాంటివేవయినా ఉంటే తీసేసి మిక్సీలో వేసి మెత్తగా రుబ్బాలి. ఇప్పుడు రుబ్బిన కీరానీ జీలకర్రనీ దోసె పిండిలో వేసి బాగా కలపాలి. తరవాత పెనం మీద కావలసిన సైజులో దోసెల్లా వేసి నూనె వేస్తూ రెండువైపులా కాల్చి తీయాలి. దీన్ని చట్నీ లేదా సాంబారుతో వడ్డిస్తే సరి.

కుకుంబర్‌ ఫ్రైడ్‌ రైస్‌

తయారుచేసే విధానం
* గుడ్ల సొనలో ఉప్పు, కారం, మిరియాలపొడి వేసి ఆమ్లెట్‌లా వేయాలి.
* కీరాని తొక్కు తీసి సన్నగా పొడవుగా కోయాలి.
* బాణలిలో నూనె వేసి కాగాక ఉల్లిముక్కలు, పచ్చిమిర్చి వేసి వేయించాలి. తరవాత సోయా సాస్‌, చిల్లీ వేసి కలిపి ఓ నిమిషం ఉంచాలి. ఇప్పుడు సన్నగా పొడవుగా తరిగిన కీరా తురుము కూడా వేసి ఓ నిమిషం వేగాక వండిన అన్నం వేసి కలపాలి. ఆమ్లెట్‌ను చిన్నముక్కలుగా చేసి వాటిని కూడా వేసి ఓ రెండు నిమిషాలు వేయించి కొత్తిమీర తురుము చల్లి దించాలి.

కీరా చీజ్‌ కేక్‌

తయారుచేసే విధానం
* కీరా తొక్కు తీసి సన్నగా తురమాలి.
* బిస్కెట్లు పొడి చేయాలి. అందులోనే వెన్న, నిమ్మతొక్క పొడి, చీజ్‌ తురుము వేసి కలిపి వెడల్పాటి గిన్నెలో అడుగున వేయాలి.
* విడిగా గిన్నెలో కీరా తురుము, పెరుగు వేసి గిలకొట్టాలి. ఇప్పుడు పంచదార, జెలాటిన్‌, పుదీనా, పంచదార, క్రీమ్‌ వేసి బాగా గిలకొట్టినట్లుగా కలిపి బిస్కెట్‌ మిశ్రమం మీద పోయాలి. ఇప్పుడు దీన్ని ఫ్రిజ్‌లో ఎనిమిది గంటలపాటు ఉంచి తీసి చల్లచల్లగా అందించాలి.

నూడుల్స్‌ కీరా సలాడ్‌

తయారుచేసే విధానం
* నూడుల్స్‌లో తగినన్ని నీళ్లు పోసి ఉడికించి నీళ్లు వంపేసి, చల్లని నీళ్లతో కడిగి ఓ గిన్నెలో వేయాలి.
* కీరా తొక్కు తీసి గ్రేటర్‌తో సన్నగా తురమాలి. వీటిని నూడుల్స్‌లో వేసి కలిపి దానిమీద ఉప్పు, మిరియాలపొడి చల్లాలి. చివరగా కాస్త చీజ్‌ తురుము కూడా చల్లి నిమ్మరసం పిండి అందిస్తే సరి.

కీరా బజ్జీ

తయారుచేసే విధానం
* ఓ గిన్నెలో మైదా వేసి అందులో ఉప్పు, దనియాలపొడి, కారం, పచ్చిమిర్చి వేసి కావలసినన్ని నీళ్లు పోసి కాస్త జారుగా కలపాలి.
* బాణలిలో నూనె పోసి కాగాక సిమ్‌లో పెట్టి, పిండి మిశ్రమంలో కీరా ముక్కలు ముంచి పకోడీల మాదిరిగా వేసి వేయించి తీయాలి. వీటిని ఏదైనా చట్నీతో అందిస్తే సరి.