ఆహా... అటుకుల పాయసం!

బూడిదగుమ్మడి హల్వా

తయారుచేసే విధానం
* బూడిదగుమ్మడి పైన తొక్క తీసి ముక్కలుగా కోసి గ్రేటర్‌తో తురమాలి. తరవాత తురుమును పిండేసి, నీటిని పక్కన ఉంచాలి.
* మందపాటి బాణలిలో నెయ్యి వేసి కాగాక రెండు నిమిషాలు వేయించాలి. తరవాత పిండిన నీళ్లను పోసి మరో ఐదు నిమిషాలు ఉడికించాలి. ఇప్పుడు పంచదార వేసి మూత పెట్టి ఉడికించి, దగ్గరగా ఉడికిన తరవాత కుంకుమపువ్వు చల్లి, నెయ్యి కూడా వేసి కలుపుతూ దగ్గరగా అయ్యేవరకూ ఉడికించి దించాలి.

గోధుమ-కొబ్బరి బొబ్బట్లు

తయారుచేసే విధానం
* గోధుమపిండిలో ఉప్పు వేసి కలపాలి. తరవాత నీళ్లు కొంచెం కొంచెంగా పోస్తూ పిండిని చపాతీపిండికన్నా కాస్త పలుచగా కలపాలి. ఇప్పుడు దీనిమీద సుమారు నాలుగు టేబుల్‌స్పూన్ల నెయ్యి వేసి బాగా కలిపి అరగంటసేపు నాననివ్వాలి.
* మిక్సీలో కొబ్బరితురుము, బెల్లం, యాలకులపొడి వేసి రెండుమూడుసార్లు తిప్పి మెత్తగా చేయాలి. తరవాత ఈ మిశ్రమాన్ని నాన్‌స్టిక్‌ పాన్‌లో వేసి అందులోని తడి అంతా పోయేవరకూ మీడియం మంట మీద ఉడికించి దించి ఉండలుగా చేయాలి.
* ఇప్పుడు పిండిముద్దను చిన్న ఉండల్లా చేసి ఒక్కో ఉండ మధ్యలో పూర్ణం పెట్టి అంచుల్ని మూసేసి అప్పడాల కర్రతో పిండి చల్లుతూ పలుచగా చేసి పెనంమీద వేసి నెయ్యి వేస్తూ రెండువైపులా కాల్చితీయాలి.

అటుకుల పాయసం

తయారుచేసే విధానం
* అటుకుల్ని కడిగి నీళ్లు వంపేసి పది నిమిషాలు ఓ ప్లేటులో వేసి ఆరబెట్టాలి.
* కాస్త నెయ్యిలో జీడిపప్పు, ఎండుద్రాక్ష వేయించాలి.
* మందపాటి గిన్నెలో పాలు పోసి మరిగించాలి. సగం అయిన తరవాత అటుకులు వేసి మెల్లగా కలుపుతూ మరికాసేపు మరిగించాలి. ఐదు నిమిషాల తరవాత సిమ్‌లో పెట్టి పంచదార, యాలకులపొడి వేసి కలపాలి. చివరగా సన్నగా తరిగిన బాదం, పిస్తా వేసి కలిపి దించాలి.

మెంతి వడ

తయారుచేసే విధానం
* సెనగపప్పు, కందిపప్పు నాలుగు గంటలసేపు నానబెట్టాలి. తరవాత నీళ్లు వంపేసి ఓ పది నిమిషాలు ఆరనిచ్చి మిక్సీలో వేయాలి. అందులోనే స్వీట్‌కార్న్‌, పచ్చిమిర్చి, జీలకర్ర, ఉప్పు వేసి నీళ్లు పోయకుండా రుబ్బాలి.
* మెంతి ఆకుని కడిగి సన్నగా తరగాలి. రుబ్బిన పప్పు మిశ్రమంలో తరిగిన మెంతాకు, పసుపు, కారం, సన్నగా తరిగిన కరివేపాకు, కొత్తిమీర తురుము వేసి బాగా కలిపి కాగిన నూనెలో వడల్లా వేసి వేయించి తీయాలి.