సెల్‌ఫోన్‌ సిగ్నలే కాదు, వైఫైలాంటివేమీ మనకు అందుబాటులో లేకపోయినా... అత్యవసరంగా ఫోన్‌లో జీపీఎస్‌ ట్రాకర్‌ తెరవొచ్చు. అంతేకాదు, మెసేజ్‌లూ, మనం ఉన్న లోకేషన్‌ కూడా ఇతరులకు పంపొచ్చు. అయితే అందుకు మన దగ్గర ‘గోటెనా మెష్‌’ అనే ఓ డివైజ్‌ ఉండాలి. కొత్తగా వచ్చిన ఈ గ్యాడ్జెట్‌ ప్రత్యేకంగా దానికదే ఓ నెట్‌వర్క్‌లా పనిచేస్తుందన్నమాట. స్మార్ట్‌ఫోన్‌లో దీని ఆప్‌ డౌన్‌లోడ్‌ చేసుకుని బ్లూటూత్‌ కనెక్ట్‌ చేసుకుంటే దాదాపు ఏడు కిలోమీటర్ల పరిధిలో ఉన్న మన స్నేహితులకు దీని ద్వారా సమాచారం పంపొచ్చు. వాకీటాకీలాంటి ఈ పరికరం మిత్రులతో కలిసి ట్రెక్కింగ్‌కు వెళ్లినప్పుడో, సిగ్నల్‌ నెట్‌వర్క్‌ అందుబాటులో లేని చోటులో ఉన్నప్పుడో ఉపయోగపడుతుంది. ఈ పరికరం అవసరం మనకు తక్కువే అయినా... కేవలం ఫోన్‌తోనే పనిచేసే దీని నెట్‌వర్క్‌ కొత్త ఫీచర్‌ మాత్రం బాగుంది కదూ!