మనిషిని పోలిన మనుషులు ఉండటం సహజం. కానీ మనుషుల్ని పోలిన కీటకాలు ఉండటం... ఆశ్చర్యం! ఈ ఫొటోలు అవే. పాములూ కప్పలూ పెద్ద కీటకాలూ తమను తినకుండా కాపాడుకోవడానికి కొన్ని కీటకాలకు ప్రకృతి ఈ రూపురేఖల్ని ప్రసాదిస్తుందట. ఇలా ఉండటంవల్ల వీటిపైన దాడి చేయడానికి శత్రువులకు ధైర్యం సరిపోదు. కొన్ని నిత్యం ఇలానే ఉంటే.. కొన్ని మాత్రం అవసరాన్నిబట్టి ఊసరవెల్లిలా తమను మార్చుకుంటాయి. నెత్తిమీద కురచ జుట్టు, పొట్టి మీసంతో ఉన్న పురుగుని హిట్లర్‌ బగ్‌ అంటారు. శ్రీలంక, థాయ్‌లాండ్‌ దేశాల్లో కనిపించే ఈ పురుగు ఈమధ్య మన దేశంలోనూ దర్శనమిచ్చింది. నోరారా నవ్వుతున్నట్టు కనిపిస్తోన్న పసుపుపచ్చని సాలీడుకి స్మైలీ అని పేరు. ఇలా ఒక్కోదానికి ఒక్కో ప్రత్యేకత ఉంది. ప్రకృతిలో ఎన్ని వింతలో కదా!