ఇదివరకు ఇంటి గచ్చుపైనే ఉండే పాలరాయి... ఈమధ్య ఇల్లంతా కనిపించేస్తోంది. డైనింగ్‌ టేబుల్‌ మొదలు మొక్కల కుండీల వరకూ అన్నీ పాలరాయి మెరుపులతో నిండిపోతున్నాయి. చూడగానే ఆకట్టుకునే దాని అందాలు అందర్నీ అంతలా ఆకర్షిస్తున్నాయి కాబట్టే- ఇప్పుడు ఫ్యాషన్‌ రంగంలోకీ ప్రవేశించిందది. అమ్మాయిల చేతుల్లో ఒదిగిపోయే హ్యాండ్‌బ్యాగ్‌లపైకీ పాకిపోయింది. తెలుపు, నలుపు, గులాబీ, ఆకుపచ్చ, నీలం... ఇలా చూడచక్కని రంగుల్లో లెదర్‌, పాలీసింథటిక్‌ లెదర్‌ క్లాత్‌లతో వస్తున్న ఈ మార్బుల్‌ ప్రింట్లు... నిజమైన పాలరాతిని తలపిస్తోంది. బ్యాగు హుందాగానూ, కొత్తగానూ ఉండాలనుకునేవారు ఈ మార్బుల్‌ ప్రింట్‌ బ్యాగుని తప్పక ప్రయత్నించొచ్చు!