మామూలు బహుమతుల కన్నా తీసుకునేవాళ్ల ఫొటో, పేరుతో ఉన్న వస్తువుని ఇచ్చామంటే... అది చూసి మరింత థ్రిల్‌ అవుతారు. అందుకే టీ కప్పూ, పెన్నూ, చొక్కా, వాచీ, ఫోన్‌ కవరు నుంచి చాక్లెట్లూ, స్వీట్ల వరకూ ఇలా వాడే ప్రతి వస్తువులోనూ, తినే పదార్థంలోనూ పర్సనలైజ్డ్‌ బహుమతులు వచ్చేశాయి. ఇప్పుడు అలా పర్సనలైజ్డ్‌ గేమ్‌ బోర్డులూ అందుబాటులోకి వచ్చాయి. లూడో, చదరంగం, అష్టాచమ్మా... ఇలా ఓ నలుగురు స్నేహితులు కలిసి ఆడుకునే ఈ ఆటల బోర్డుల్నీ ఫొటోలూ, పేర్లతో తయారుచేయించుకోవచ్చు. సెలవుల్లో ఎక్కువగా కలిసి ఆడుకునే మిత్రులూ, కుటుంబ సభ్యుల ఫొటోలతో చేయించుకోవచ్చు. ఎవరి ఫొటోల దగ్గర వాళ్లు కూర్చుని సరదాగా ఆడుకోవచ్చు.