చాలామందికి చికెన్‌ అనగానే లెగ్‌పీసులే గుర్తొస్తాయి.  పట్టుకోవడానికి వీలుగానూ, రుచిగానూ ఉండే వాటిని పిల్లలు ఎంతగానో ఇష్టపడతారు. అయితే ఆ లెగ్‌ పీస్‌లను రెండు సార్లు కొరికి తింటే చాలు ఖాళీ అయిపోయి ఎముక మిగులుతుంది. అదే ఉత్తర వియత్నాంలో డాంగ్‌ టావో కోళ్ల లెగ్‌ పీస్‌లు అలాకాదు. ఒక్క పీస్‌ తింటే చాలు, ఆకలి తీరిపోతుందట. కేవలం లెగ్‌పీస్‌లకోసమే పెంచే ఈ కోళ్ల బాహుబలి కాళ్లకు అక్కడ యమా డిమాండ్‌. అన్నం- మొక్కజొన్నలు వేసి పెంచే డాంగ్‌ టావో కోళ్ల కాళ్లు చాలా లావుగా ఉంటాయి. ఒక్కో కోడి నాలుగు నుంచి ఐదు కేజీలు తూగితే అందులో అయిదో వంతు బరువు వాటి కాళ్లదే. రుచి కూడా చాలా బాగుంటుందట. ఇంతకీ దాని ధర ఎంతో తెలుసా.... లక్షరూపాయల పైమాటేనట!