పసిపాపాయిలకు  పాలు పట్టే బాటిల్‌నే మీరు చూసుంటారు. కానీ బుజ్జాయిలకు బొజ్జ నిండా పాలు పట్టడమే కాదు, వాళ్లు హాయిగా నిద్రపోయే వరకూ జోలపాడే పాల సీసా కూడా ఒకటి ఉంది. ‘బేబీ సౌండ్‌ మ్యూజిక్‌ లైట్‌ మిల్క్‌ బాటిల్‌’ పేరుతో అందుబాటులోకి వచ్చిన ఈ బాటిల్‌ బ్యాటరీలతో పనిచేస్తుంది. పిల్లలు ఇష్టపడే చిన్న చిన్న లాలిపాటలూ, పక్షుల కువకువలతోపాటూ ఇతర సంగీత ధ్వనులతో ఈ బాటిల్‌కి మొత్తం నాలుగు బటన్స్‌ ఉంటాయి. వీటిల్లో నచ్చింది నొక్కి ఆ కమ్మని సంగీతాన్ని చిన్నపిల్లలకు వినిపించొచ్చు. అమ్మ ఏదైనా పనిలో ఉండి పక్కన లేకపోయినా... చిన్నారులు పాలు తాగుతూ, ఎంచక్కా పాటలూ వింటూ నిద్రలోకి జారిపోతారు. అంతేకాదు... రాత్రివేళ అత్యవసరానికి ఈ బాటిల్‌కున్న లైట్‌ని వెలిగించుకోవచ్చు కూడా. ఆన్‌లైన్‌ మార్కెట్లో పలురంగుల్లో దొరుకుతున్నాయివి.