శక్తిమంతమైన ఫిల్టర్‌!

నదుల్లో సముద్రాల్లో సరస్సుల్లో కలుస్తోన్న మైక్రోప్లాస్టిక్స్‌ కారణంగా నీరు ఎంతగా కలుషితం అవుతుందో తెలిసిందే. ఎన్ని రకాల ఫిల్టర్‌లు వాడుతున్నా ఇంకా ఎక్కడో మిగిలే ఉంటున్నాయి. అందుకే 99.9 శాతం మైక్రో ప్లాస్టిక్‌ రేణువుల్ని తొలగించే శక్తిమంతమైన వాటర్‌ ఫిల్టర్‌ను దక్షిణ కొరియాలోని డేగు గైయాంగ్‌బక్‌ ఇన్‌స్టిట్యూట్‌ ఆఫ్‌ సైన్స్‌ అండ్‌ టెక్నాలజీకి చెందిన పరిశోధకులు రూపొందించారు. కోవాలెంట్‌ ట్రియాజీన్‌ ఫ్రేమ్‌వర్క్‌ అని పిలిచే ఈ రం‌ధ్రాలతో కూడిన పదార్థం కేవలం పది సెకన్లలోనే మైక్రోప్లాస్టిక్స్‌ను తొలగించిందట. పైగా ఇది వొలటైల్‌ కర్బన పదార్థాలనీ నిర్మూలించిందట. కాబట్టి ఈ కొత్త టెక్నాలజీతో కరెంట్‌ లేని ప్రదేశాల్లో కూడా కాలుష్య రహిత మంచినీళ్లు అందించవచ్చు అంటున్నారు.