బుజ్జిబుజ్జిగా ముద్దొచ్చే గోల్డ్‌ఫిష్‌లను చాలామంది ఇళ్లలో ఫిష్‌ట్యాంకులలో పెంచుకుంటూ ఉంటారు కదా. వాటి బరువు ఎంతుంటుంది? 100-300 గ్రాములుంటాయి. కొన్నైతే నాలుగున్నర కేజీల వరకు పెరుగుతాయి. కానీ, ఫ్రాన్స్‌లోని షాంపేన్‌ దగ్గర బ్లూవాటర్‌ లేక్స్‌లో వలేసిన బ్రిటీష్‌ ఫిషర్‌మ్యాన్‌ ఆండీ హ్యాకెట్‌కు 30.5 కేజీల బాహుబలి గోల్డ్‌ఫిష్‌ చిక్కింది. ఆరెంజ్‌ కలర్‌లో మెరిసిపోతున్న దానికి ఆయన ‘ద క్యారెట్‌’ అని పేరుపెట్టాడు. ఫొటోలకు పోజిచ్చిన తర్వాత దాన్ని భద్రంగా నీళ్లలోకి వదిలేశాడు. అన్నట్టు, ఇంతకు ముందువరకు వలలో పడిన గోల్డ్‌ఫిష్‌ల్లో అతిపెద్ద దాని బరువెంతో తెలుసా... 13.6 కేజీలే. 2019లో యూఎస్‌లోని మిన్నేసొటాలో జాసన్‌ ఫగట్టే అనే వ్యక్తికి దొరికిందది. దాని రికార్డును ‘క్యారెట్‌’ ఇప్పుడు తిరగ రాసిందన్న మాట.