ఈతరం అమ్మాయిలు... డ్రెస్సులకు సరిపోయే మ్యాచింగ్‌ యాక్సెసరీలే కాదు... హ్యాండ్‌బ్యాగులూ కొంటుంటారు. కాలేజీకి ఓ రకం బ్యాగూ, ఫంక్షన్ల కోసం ఇంకోరకమూ, షాపింగ్‌కి మరోరకమూ... ఇలా బయటకు వెళ్లే పనినీ, అవసరాన్నీ బట్టి ఒక్కోసారి ఒక్కో మోడల్‌ హ్యాండ్‌ బ్యాగ్‌ను వెంటబెట్టుకెళ్తారు. కొనడమూ, వాడటమూ బాగానే ఉంది కానీ వాటిని ఇంట్లో చక్కగా సర్దుకోవడమూ అవసరమేగా. ఒక్కో బ్యాగు పెట్టుకుంటూపోతే అల్మారా, షెల్ఫ్‌ లాంటివీ నిండిపోతాయి. అందుకే తక్కువ స్థలంలోనే బ్యాగులన్నీ పెట్టుకునేలా ‘హ్యాంగింగ్‌ హ్యాండ్‌బ్యాగ్‌ ఆర్గనైజర్స్‌’ మార్కెట్లో ఉన్నాయి. కవర్లతోనూ దొరికే వీటిల్లో బ్యాగుల్ని పెట్టుకుని హ్యాంగర్‌కి పెట్టుకోవచ్చు.