కిట్టూ చేతిలో ఒక బొమ్మ ఉంది. అది పులి బొమ్మ. కానీ కాసేపటికి మాయ చేసినట్టుగా ఏనుగు బొమ్మలా మారిపోయిందది. ఎందుకంటే... అది ‘రివర్సిబుల్‌ టాయ్‌’ మరి. చిన్నారుల్ని ఆకట్టుకోవాలంటే ఆ బొమ్మలో ఏదో ఒక ప్రత్యేకత ఉండి తీరాల్సిందేగా. అందుకే కాసేపు వాళ్లకు వినోదాన్ని అందించడానికి ఇలాంటి బొమ్మల్నీ తయారీదారులు తీసుకొస్తుంటారు. ఇక్కడ ఫొటోలో చూపినట్టు రెండు రంగులూ, రెండు రూపాలతో ఉండే ఈ బొమ్మలో మధ్యలో ఉన్న తొడుగును ఒకవైపు పెడితే ఒక బొమ్మా... ఇంకోవైపు పెడితే మరొకటి కనిపిస్తుందన్నమాట. మీ పిల్లలకెప్పుడైనా ఎప్పటిలా టెడ్డీలాంటి వాటికి బదులు ఇలాంటిదాన్ని బహుమతిగా ఇవ్వండి.. ఎంత ఆనందపడి పోతారో మీరే చూస్తారు!