ప్రయాణాల్లోనో, ఎక్కడికైనా వెళ్లినప్పుడో కంప్యూటర్‌తో పనిచేయాల్సి వస్తే చాలావరకూ ఫోన్‌, ట్యాబ్‌లతోనే పని చేసేస్తుంటారు. కానీ అలాంటప్పుడు వేగంగా టైప్‌ చేయాలంటే మాత్రం కీ బోర్డ్‌ అనేది తప్పనిసరి. మరి అంత సైజులో ఉండే కీ బోర్డ్‌ను ఎప్పుడూ వెంట పట్టుకెళ్లలేం కదా. ఇదిగో ఆ సమస్యకు పరిష్కారంగా వచ్చిందే ఈ ‘ఫోల్డబుల్‌ బ్లూటూత్‌ కీబోర్డ్‌’. మామూలు కీబోర్డ్‌లానే ఉండే దీన్ని బ్లూటూత్‌తో ల్యాప్‌టాప్‌, ట్యాబ్‌, ఫోన్‌... ఇలా దేనికైనా కనెక్ట్‌ చేసుకుని పనిచేసుకోవచ్చు. పని పూర్తవ్వగానే ఎంచక్కా మడతపెట్టి ఏ బ్యాగు పాకెట్లోనో సర్దేసుకోవచ్చు. పాత వస్తువులో వచ్చిన ఈ కొత్త వెసులుబాటు కచ్చితంగా మీకూ నచ్చే ఉంటుంది కదూ!