బహుమతి కోసం ఈ పెన్ను!

ఒకప్పటి కన్నా ఈ డిజిటల్‌ యుగంలో పెన్నులతో రాసే పని చాలా వరకూ తగ్గిపోయింది. అందుకే ఇప్పుడు ఎక్కువగా పెన్ను అనేది బహుమతుల జాబితాల్లోనే చేరిపోయింది. మరి కానుక అంటే... ఎంతో అపురూపంగా దాచుకునేలా ఉండాలి కదా. ఇదిగో ఆ ఉద్దేశంతోనే కొన్ని కంపెనీలు మామూలు వాటికి బదులు వెండీ, బంగారు పూతలతో పెన్నుల్ని సరికొత్తగా తయారుచేస్తున్నాయి. చూడచక్కని దేవుళ్ల రూపాలతో చెక్కిన ఇక్కడున్న పెన్నులు అలా వచ్చినవే. బాలాజీ పద్మావతీ, గణపతీ, శివపార్వతులూ... ఇలా దేవుళ్ల రూపాలతో ముస్తాబై వచ్చిన ఈ వెండిపెన్నులు ఆన్‌లైన్లో అందుబాటులో ఉన్నాయి.