ప్రతి ఇంట్లోనూ పుట్టినరోజనో, పెళ్లిరోజనో ఏదో ఒక వేడుక జరుగుతూనే ఉంటుంది. అందుకు తగ్గట్టుగా చాలామంది కేకుతో పాటూ సులువుగా, అందంగా అలంకరించేలా రకరకాల డెకరేషన్‌ కిట్స్‌ని కొనుక్కుంటుంటారు. కానీ ఎప్పటికీ గుర్తుండిపోయే ఆ జ్ఞాపకాల ఫొటోలు ఎప్పటికప్పుడు ప్రత్యేకంగా ఉండాలనుకుంటారు. దాని కోసం ఒక్కోసారి ఒక్కో బ్యాక్‌గ్రౌండ్‌తో అలంకరిస్తుంటారు. పైగా మార్కెట్లోనూ వీటిల్లో కొత్తకొత్తవి వస్తూనే ఉంటాయి. అలా ఈమధ్య ‘హ్యాంగింగ్‌ పేపర్‌ బాల్స్‌ సెట్స్‌’ దొరుకుతున్నాయి. రంగు రంగుల్లో ఉన్న ఈ పువ్వుల కాగితపు బంతులతో ఎవరైనా క్షణాల్లో బ్యాక్‌గ్రౌండ్‌ని డెకరేట్‌ చేసేయొచ్చు. ఆ అలంకరణ అంతా చూడ్డానికీ విభిన్నంగానూ ఉంటుంది. అంతేకాదు... ఫొటోల్లోనూ ఎంతో బాగా కనిపిస్తాయీ రంగుల బంతులన్నీ కూడా!