కొన్ని చొక్కాలూ, ప్యాంట్లూ అంతా బాగున్నా కూడా గుండీలు పెట్టుకునే దగ్గర మాత్రం కాస్త బిగుతుగా అనిపిస్తాయని వాటిని పక్కన పెట్టేస్తుంటాం. కానీ ఒక చిన్న వస్తువుతో వాటికి చక్కటి పరిష్కారం చూపొచ్చు. చొక్కాలకూ, ప్యాంట్లకూ సరిపోయేలా రకరకాల మోడళ్లలో బటన్‌ ఎక్స్‌టెండర్లు దొరుకుతున్నాయి. వీటిల్లో గుండీకి స్ప్రింగ్‌ లాంటిదో, క్లాత్‌ ముక్కనో ఉంటుంది. బిగుతుగా ఉన్న గుండీ దగ్గర (ఫొటోలో చూపిస్తున్నట్టుగా) బటన్‌ ఎక్స్‌టెండర్‌ను తగిలించుకోవచ్చు. ఇంకేముంది, స్ప్రింగ్‌ సాగడం వల్ల గుండీ దగ్గర కాస్త వదులుగా అవుతుంది. నిజానికి కొంచెమే బిగుతుగా ఉన్నా ఆ డ్రెస్సుతో అలా రోజంతా ఉండలేం కాబట్టి దాన్ని వేసుకోవాలంటే ఇష్టపడం. ఈ బటన్స్‌ వల్ల ఇక ఆ సమస్యే ఉండదు మరి!