టీవీలోనే ఎంచక్కా థియేటర్‌ ఫీల్‌ శబ్దం రావడానికి చాలామంది టీవీకి విడిగా సౌండ్‌బార్‌ లాంటివి పెట్టుకుంటారు. అయితే ఇప్పుడు అలాంటి విడి స్పీకర్‌ ఫోన్లకూ దొరుకుతోంది. బ్లూటూత్‌తో కనెక్ట్‌ చేసుకునేలా ఉండే ఈ స్పీకర్‌ని ఎక్కడికైనా సులువుగా పట్టుకెళ్లొచ్చు కూడా. విహార యాత్రల్లోనో, ఫంక్షన్లలోనో సరదాగా నలుగురితో కలిసి ధూంధాం చేయాలనుకున్నప్పుడు మనకు అందుబాటులో ఉన్న ఫోన్‌నే వాడుకోవచ్చు. ఈ బుల్లి స్పీకర్‌ పిన్నును అలా ఫోన్‌కు పెట్టామంటే చాలు...పెద్ద శబ్దంతో అందరికీ పాటలు వినిపిస్తాయి. కావాలంటే దీన్ని టీవీ, కంప్యూటర్‌, ట్యాబ్‌లాంటి వాటికీ కనెక్ట్‌ చేసుకోవచ్చు. ఈ చిట్టిపొట్టి స్పీకర్లు బొమ్మల రూపాల్లోనూ అందుబాటులో ఉన్నాయి.