బల్బే కెమెరాగా!

ఈ రోజుల్లో ఇంటికి అవసరమైన చాలా వస్తువుల్ని బహుళ ప్రయోజనాలు అందించే విధంగా తయారుచేస్తున్నారు. ఆ కోవలోకే వస్తుందీ ‘వైఫై బల్బు కెమెరా’. ఇది చూడ్డానికి సాధారణ బల్బులానే ఉన్నా ఇందులో ప్రత్యేకంగా కెమెరా, మైక్రోఫోన్‌, స్పీకర్‌ కూడా అమర్చి ఉంటాయి. 360 డిగ్రీల్లో పనిచేసే ఈ బల్బు కెమెరా ఫోనుతో అనుసంధానమై ఉంటుంది. అంటే... ఎప్పటికప్పుడు లైటును వేసుకోవడం, ఆ వెలుతురుని పెంచుకోవడం లేదా తగ్గించుకోవడం... వంటివన్నీ ఫోనుతో చేస్తూనే ఎక్కడున్నా ఇంటినీ గమనించుకోవచ్చు. ఒకవేళ అత్యవసర పరిస్థితుల్లో పిల్లల్ని కొన్ని గంటలపాటు ఇంట్లో ఒంటరిగా వదిలి వెళ్లాల్సి వచ్చినప్పుడు ఈ బల్బు కెమెరా ద్వారా వాళ్ల కదలికల్ని ఫోనులో చూసుకుంటూనే... అవసరం అనుకున్నప్పుడు వాళ్లతో మాట్లాడొచ్చు కూడా. బాగుంది కదూ!