గోమూత్ర స్నానాలు!

హిందువులకు ఆవు పరమ పవిత్రమైనది. దక్షిణ సూడాన్‌లోని ‘ముందరి’ తెగవాసులకు కూడా అది అత్యంత విలువైనదే. ముఖ్యంగా గోమూత్రాన్ని అయితే వాళ్లు బంగారంగా భావిస్తారు. ఆవులను పెంచే మగవాళ్లు అవి మూత్రవిసర్జన ఎప్పుడు చేస్తాయో కనిపెట్టుకుని ఉంటారు. ఆవు మూత్రాన్ని విసర్జించడం ప్రారంభించగానే తమ తలను తీసుకెళ్లి దాని కింద పెట్టేస్తారు. జుట్టుకు మంచి రంగు రావడానికి అది ఉపయోగపడుతుందని వాళ్లు నమ్ముతారు. అందుకే ఆ తెగ వారి జుట్టు రాగి రంగులోకి మారుతుంది. అలాంటి ప్రత్యేక రంగు జుట్టు కలిగిన పురుషులనే ‘ముందరి’ మహిళలు ఇష్టపడతారట. అన్నట్టు దూరప్రాంతాలకు వెళ్లి నీళ్లు తెచ్చుకోవాల్సి రావడంతో ఒక్కోసారి వాళ్లు గోమూత్రంతోనే స్నానాలూ చేసేస్తారు. ‘ముందరి’ ప్రజలుండే ప్రాంతం పర్యటకంగా వెనకబడిందే అయినా వారు పాటించే ఈ పద్ధతుల్ని చూడ్డానికి చాలామంది అక్కడకు వెళుతున్నారు.