సామాజికంగానూ ఆర్థికపరంగానూ వెనకబడటంవల్లో లేదా కుటుంబ కలహాలూ వృద్ధాప్యంవల్లో కొంతమంది కుంగుబాటుకు లోనవుతారు. అలాగే ఆనువంశికంగా వచ్చే జన్యువులవల్ల కూడా కొందరు తీవ్రమైన కుంగుబాటుకు గురవుతుంటారు. ఆ సమయంలో వాళ్లకు ధైర్యాన్నిస్తూ సన్నిహితులు అండగా ఉంటే అందులోనుంచి బయటకు రాగలుగుతారు. వీళ్లందరితో పోలిస్తే సామాజికంగా దెబ్బతిన్న వైద్యులూ భర్తను కోల్పోయిన మహిళల్లో డిప్రెషన్‌ పాళ్లు మరింత ఎక్కువగా ఉన్నట్లు ఇటీవల చేసిన ఓ అధ్యయనం చెబుతోంది. ముఖ్యంగా మెడిసిన్‌ చదివే విద్యార్థుల్లో ఇంటర్న్‌షిప్‌ చేసేటప్పుడు- విపరీతమైన ఒత్తిడీ ఆందోళనా నెలకొంటాయనీ ఆ సమయంలో వాళ్లకి సామాజికంగా ఏ చిన్న ఇబ్బంది ఎదురైనా తట్టుకోలేక ఆత్మహత్యలకు పాల్పడుతుంటారనీ చెబుతున్నారు. కాబట్టి అలాంటప్పుడు ఇంటాబయటా ఎవరైనా అండగా ఉంటే వాళ్లు అంతే త్వరగా దాన్నుంచి కోలుకుంటారని చెప్పుకొస్తున్నారు మిషిగన్‌ విశ్వవిద్యాలయ పరిశోధకులు.