Weekly Horoscope: రాశిఫలం (డిసెంబర్‌ 19 - డిసెంబర్‌ 25)

అదృష్టయోగముంది. ఆశించింది దక్కుతుంది. ఉద్యోగంలో మనసు పెట్టి పనిచేయండి. త్వరగా లక్ష్యాన్ని చేరతారు. పొదుపు అవసరం. ఆశయ సాధనలో క్రమంగా పైకి వస్తారు.

Updated : 04 Aug 2022 17:14 IST

Weekly Horoscope: రాశిఫలం (డిసెంబర్‌ 19 - డిసెంబర్‌ 25)

అదృష్టయోగముంది. ఆశించింది దక్కుతుంది. ఉద్యోగంలో మనసు పెట్టి పనిచేయండి. త్వరగా లక్ష్యాన్ని చేరతారు. పొదుపు అవసరం. ఆశయ సాధనలో క్రమంగా పైకి వస్తారు. నమ్మకం మిమ్మల్ని గెలిపిస్తుంది. ఆవేశపూరిత వాతావరణానికి దూరంగా ఉండాలి. మిత్రుల సహకారం లభిస్తుంది. నవగ్రహ శ్లోకాలు చదివితే మంచి జరుగుతుంది.


ప్రతి అడుగూ జాగ్రత్తగా వేయండి. తెలియని ఇబ్బందులు ఉంటాయి. ఉద్యోగ, వ్యాపారాల్లో బాగా శ్రమించాలి. ధర్మం తప్పవద్దు. ఇంట్లోవారి సూచనలు అవసరం. సహనం రక్షిస్తుంది. దూషించిన వారే కీర్తిస్తారు. మంచి పేరు వస్తుంది. ముఖ్యకార్యాలను వాయిదా వేస్తే నష్టాన్ని నివారించవచ్చు. నవగ్రహ శ్లోకాలు చదివితే మనశ్శాంతి లభిస్తుంది.


శుభకాలం నడుస్తోంది. అభీష్టసిద్ధి ఉంది. ఉద్యోగంలో ఆశించిన ఫలితం లభిస్తుంది. ఆలోచనలకు కార్యరూపాన్నిస్తారు. ఇప్పుడు వేసే ప్రణాళికలు బంగారు భవిష్యత్తునిస్తాయి. ఆర్థిక విజయం ఉంది. వ్యాపారంలో విస్తరించేందుకు పరిస్థితులు సహకరిస్తాయి. ప్రశాంతమైన జీవితాన్ని పొందుతారు. లక్ష్మీధ్యానం శుభాన్నిస్తుంది.


ఆత్మవిశ్వాసం ముందుకు నడిపిస్తుంది. ఉన్నతమైన ఆశయాలతో పనిచేయాలి. ఫలితం సంతృప్తినిస్తుంది. ఆత్మీయుల సలహా పనిచేస్తుంది. అవమానించే వారున్నారు. మిత సంభాషణ మేలుచేస్తుంది. మీ ప్రతిభకి తగిన గుర్తింపు లభిస్తుంది. వ్యాపారంలో ఒక మెట్టు పైకి ఎక్కుతారు. ఆంజనేయస్వామిని స్మరించండి, ఆశయం నెరవేరుతుంది.


కాలం అనుకూలం. ఏ పని ప్రారంభించినా న్యాయం జరుగుతుంది. పెద్దల ఆశీస్సులు లభిస్తాయి. ఆగిన పనులు తిరిగి ప్రారంభమవుతాయి. ఉద్యోగంలో కీర్తి పెరుగుతుంది. ఆత్మసంతృప్తినిచ్చే పనులు చేయండి. గృహ ప్రయత్నాలు ఫలిస్తాయి. వ్యాపారంలో ఆలోచించి నిర్ణయం తీసుకోండి. తొందరవద్దు. ఇష్టదేవతను స్మరిస్తే మేలు.


అదృష్టవంతులవుతారు. ఇబ్బందుల నుండి బయటపడతారు. కృషికి తగిన గుర్తింపు లభిస్తుంది. ఉద్యోగంలో మిశ్రమ ఫలం. ధైర్యంగా నిర్ణయం తీసుకుని అమలుచేయండి. సాహస కార్యాలు విజయాన్నిస్తాయి. ఆటంకాలు తొలగుతాయి. వారం మధ్యలో శుభం జరుగుతుంది. ఆర్థికస్థితి అనుకూలం. లక్ష్మీనారాయణ స్మరణ ఆనందాన్నిస్తుంది.


మిశ్రమకాలం నడుస్తోంది. ఉద్యోగం అనుకూలం. బాధ్యతలను సక్రమంగా నిర్వర్తిస్తారు. అనుకున్నది సాధిస్తారు. తగిన గుర్తింపూ గౌరవాలు లభిస్తాయి. ధనధాన్య లాభాలుంటాయి. ఆగిన పనులను పూర్తి చేయండి. ఉత్సాహం తగ్గకూడదు. అపార్థాలకు అవకాశమివ్వవద్దు. స్పష్టంగా సమాధానాలివ్వాలి. దుర్గాదేవిని ఆరాధించండి, ప్రశాంతత లభిస్తుంది.


వ్యాపార లాభముంది. ఆర్థికంగా బలపడతారు. ఉద్యోగ బాధ్యతలను సమర్థంగా నిర్వర్తించండి. చంచలత్వం పనికిరాదు. సొంత నిర్ణయాలు విజయాన్నిస్తాయి. గందరగోళ పరిస్థితుల నుండి బయటపడతారు. అనవసరమైన ఆలోచనలను మనసులోకి రానీయవద్దు. కుటుంబసభ్యుల సూచనలతో మేలు జరుగుతుంది. సూర్యనమస్కారం శుభాన్నిస్తుంది.


మనోబలం అవసరం. ఉద్యోగ వ్యాపారాల్లో శ్రమ తప్పదు. మిత్రుల ద్వారా ఒక పని అవుతుంది. తెలియని అవరోధాలు ఉన్నాయి. ప్రతి అడుగూ ఆచి తూచి వేయాలి. ఎదురుచూస్తున్న పనిలో పురోగతి ఉంటుంది. గృహయోగం ఉంది. సుఖసంతోషాలు ఉన్నాయి. ఆశయం నెరవేరే దిశగా అడుగులు వేస్తారు. శివారాధనతో మనశ్శాంతి లభిస్తుంది.


శుభయోగముంది. కర్తవ్యాలను సకాలంలో నిర్వర్తించండి. ఉద్యోగం బాగుంటుంది. ప్రయత్నాలు సఫలమవుతాయి. మంచి భవిష్యత్తు సూచితం. ఇబ్బందులు తొలగుతాయి. ఆత్మవిశ్వాసం సడలకూడదు. వ్యాపారస్థితి మిశ్రమం. లక్ష్యంపై దృష్టి నిలపాలి. వ్యయభారం లేకుండా చూసుకోవాలి. కుటుంబపరమైన అభివృద్ధి ఉంటుంది. ఇష్టదైవాన్ని స్మరిస్తే మంచిది.


ఉద్యోగంలో ఎదురుచూస్తున్న ఫలితం వస్తుంది. వ్యాపారం బాగుంటుంది. పనులను వాయిదా వేయకుండా పూర్తిచేయండి. తగినంత గుర్తింపు లభిస్తుంది. క్రమంగా అవరోధాలు తొలగుతాయి. స్వల్ప ధనలాభం. వారం మధ్యలో ఒక మంచి వార్త వింటారు. ఆవేశపరిచే సంఘటనలకు దూరంగా ఉండాలి. లలితా సహస్రనామం పఠించండి, మనోబలం పెరుగుతుంది.


మంచి జీవితం లభిస్తుంది. అభీష్టసిద్ధి ఉంది. ధర్మబద్ధంగా ముందుకు సాగండి. అధికార లాభముంటుంది. ఉద్యోగాభివృద్ధి సూచితం. అపార్థాలకు తావివ్వవద్దు. వ్యాపారలాభం స్వల్పం. మిత్రుల సలహాలు అవసరమవుతాయి. పట్టుదలతో చేసే పనులు సత్ఫలితాన్నిస్తాయి. నిబద్ధత గొప్పవారిని చేస్తుంది. నచ్చిన దైవాన్ని స్మరించండి, శుభం జరుగుతుంది.


Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ఇంకా..