మనుః

విష్ణుసహస్రనామావళిలో ఇది 51 వది. ‘మనుః’ అంటే మననం చేసే మహిమాన్వితుడు అని అర్థం. సంకల్పం తోనే సమస్తాన్నీ సృష్టిస్తాడాయన. ఆయనకెప్పుడూ తాను చేసిన సృష్టి గుర్తుంటుంది. దాన్ని ఎప్పటికప్పుడు స్మరించుకుంటూనే ఉంటాడు. ఇది సామాన్యార్థం. ఇక్కడ విశేషమేమంటే.. ‘దేవుడు మనం చేసినవన్నీ గుర్తుపెట్టు కుంటాడా ఏమిటి.. ఇష్టమొచ్చింది చేసేద్దాం. నచ్చినట్లుగా ప్రవర్తిద్దాం- అనుకుంటారు కొందరు. కానీ అది అమాయకత్వమే. జీవులు చేసే కర్మలను స్వామి గమనిస్తూనే ఉంటాడు. ఆయన చేసిన సృష్టిలోనే కదా జీవులు ఉన్నది. అందువల్ల ధర్మవిరుద్ధమైన పనులు చేస్తూ.. మనల్ని దేవుడేం పట్టించుకోడు, ఆయనకు గుర్తుండదు- అనుకోవద్దు. సృష్టిలోని అణువణువూ ఆయనకు సదా మననంలోనే ఉంటుందని హెచ్చరిస్తు న్నట్టు ఉంటుందీ నామం.

వై.తన్వి